Nsumuinu 12:26 - MUKANDA WA MYIDI MUKULU

²⁶ Muntu muakane udi uludika mulunda wende mu njila mulenga. Bidi muntu mubi wenza bidi bipambula balunda bende.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Muntu muakane udi ulombola muena mutumba nʼandi, kadi bienzedi bia bantu babi bidi bibahambuisha.

Nsumuinu 12:26 ပူးပေါင်းရင်းမြစ်များ

Misambu 16:3

Bantu badi bitaba Mvidi Mukulu mbena diakalenga, ndi nsankila kudibu.

Nsumuinu 12:13

Muntu mubi badi bamukuata mu buteyi amu ku miaku yende ya dishima. Kadi muntu muakane udi upanduka ku dikenga dionsu.

Nsumuinu 12:25

Ntatu idi itekesha muntu mu maboku. Muaku muimpe udi umukolesha ku muoyi.

Nsumuinu 12:27

Tshilembi wa lulengu kena mua kushipa nyama. Nanku mbilenga bua muntu ikale ne disuminyina divule.

Nsumuinu 14:22

Bantu badi bela meji a kuenza bibi badi bapambuke. Kadi bantu badi bela meji mempe, bantu nebabanange ne muoyi umue.

Nsumuinu 16:29

Muntu wa tshikisu udi udinga balunda bende, ubakebela kabutu.

Nsumuinu 17:27

Muntu mushidimuke udi ulaminyina miaku. Muntu wa lungenyi udi ukeba diba dia kuela meji.

1 Yone 2:26

Ndi nnufundila malu aa, bua nudimukile bantu badi bakeba kunupambula mu njila.

Didimanyisha 12:9

Kuipatabu nyoka wa tshidika munene awu mu diulu. Nyoka awu ke nyoka wa kale, udibu binyika ne: diabolu, nansha Satane, udi udinga buloba bujima. Kumuimanshabu pa buloba, pamue ne batumibue bende bonsu.

Didimanyisha 13:14

Uvua upambuisha bantu ba pa buloba ku malu a dikema avuaye ne bukenji bua kuenza mu dina dia nyama wa kumpala. Kuambilaye bantu ba pa buloba, bua benze tshimfuanyi, banemekele natshi nyama uvuabu batape muele wa mvita, kadi mutshikale amu ne muoyi.