Nsumuinu 12:25 - MUKANDA WA MYIDI MUKULU

²⁵ Ntatu idi itekesha muntu mu maboku. Muaku muimpe udi umukolesha ku muoyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Lutatu mu mutshima wa muntu ludi lumunemeshila bujitu, kadi dî dia luse didi dimusangulusha.

Nsumuinu 12:25 ပူးပေါင်းရင်းမြစ်များ

Misambu 38:6

Mputa yanyi idi mibole, inunka bibi, bualu mvua muenze malu a butatakane.

Misambu 42:11

Bipendu bia baluishi banyi bidi binsunsula, bualu dituku dionsu badi banseka, bangebeja ne: “Mvidi Mukulu webe udi penyi?”

Nsumuinu 12:18

Muena biakulakula udi utapa mputa minene bu ya muele wa mvita. Kadi ludimi lua bantu ba meji ludi bondapa.

Nsumuinu 12:26

Muntu muakane udi uludika mulunda wende mu njila mulenga. Bidi muntu mubi wenza bidi bipambula balunda bende.

Nsumuinu 14:10

Muntu yonsu udi mudimanye nkayende kanyinganyinga ne disanka bidi mu muoyi wende. Muntu mukuabu nansha umue kena mua kubiumvua menemene to.

Nsumuinu 15:13

Muntu udi ne disanka udi ne mpala wa mimuemue. Kadi muntu udi ne kanyinganyinga udi ne minyengu mu mpala.

Nsumuinu 15:15

Matuku onsu mukengi udi usomba mu dikenga. Kadi muntu wa dikasa dimpe udi usanka matuku onsu.

Nsumuinu 15:23

Padi muntu wandamuna nkonku biakane udi ne disanka, nangananga padiye ufila diandamuna kampanda pa tshikondu tshiadi.

Nsumuinu 15:30

Kutangila muntu ne musangelu kudi kumusankisha. Lumu luimpe ludiye upeta ludi lumusanguluja.

Nsumuinu 16:24

Miaku mimpe idi bu buitshi, budi busheme mukana, biengelela mubidi.

Nsumuinu 17:22

Disanka didi dijikija disama dia muntu. Kadi dibungama didi dikepesha bukole bua mubidi.

Nsumuinu 18:14

Padi muntu utekemena ne: nempande, udi upanda. Udi kayi utekemena lupandu, udi mua kufua lukasa.

Nsumuinu 25:11

Muaku muimpe muambe pa bualu udi ne mushinga bu mudi tshintu tshivuabu basonga ne tshiamu tshia mpawungi, batshiteka pa dilonga dia tshiamu tshitoke tshia mushinga mukole.

Nsumuinu 27:9

Bilengejilu bia mubidi, ne manananshi bidi bisankisha muntu. Kadi mulunda mupole malu, wa meji, udi upita bionsu abi.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Zekâya 1:13

Ke Maweja-Nangila kuandamuna mutumibue wende miaku mimpe ya kumukolesha ku muoyi, ne kumusamba nayi.