Nsumuinu 12:24 - MUKANDA WA MYIDI MUKULU

²⁴ Mudimu udi upetesha muntu bumfumu. Kadi lulengu ludi lumufila ku bupika.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Tshianza tshia muena disuminyina netshikokeshe, kadi nebenzeshe bafuba mudimu ku bukole.

Nsumuinu 12:24 ပူးပေါင်းရင်းမြစ်များ

Genese 49:15

Isakare mmumone ne: muaba undi ndala mmuimpe, ditunga dindi nsomba ndilenga. Udi wambula majitu pa makaya, wenza mudimu bu mupika.

1 Bakalenga 11:28

Yerobowame uvua nsongalume wa mushinga mukole. Shelomu uvua mumone muvua Yerobowame wenza mudimu wende bimpe. Nanku kumusungulaye bua ikale utangila bena mudimu ba bena Efrayime ne bena Menashe.

1 Bakalenga 12:20

Bena Izrayele bonsu ba ku mutu, bamane kumvua lumu lua dipingana dia Yerobowame, kudisangisha nkayabu. Kubikidishabu Yerobowame mu tshisangilu atshi, kumusungula bua ikale mukalenga wa bena Izrayele. Nanku, anu tshisamba tshia Yuda nkayatshi kushala kuitaba nzubu wa Davide.

1 Bakalenga 9:21

Bisamba ebi bivua bishala mu ditunga, bualu bena Izrayele bavua benza muabu muonsu bua kubabutula bapange. Nanku, bobu ke bavua Shelomu wenzeja midimu. Batshidi bapika ba bena Izrayele too ne mpindiewu.

Nsumuinu 10:4

Bianza bia muena lulengu bidi bibueja muntu mu bupele, kadi bianza bia mukuatshi wa mudimu bidi bipetesha lupetu.

Nsumuinu 12:27

Tshilembi wa lulengu kena mua kushipa nyama. Nanku mbilenga bua muntu ikale ne disuminyina divule.

Nsumuinu 13:4

Muena lulengu udi ujinga tshintu kayi utshipeta. Kadi muntu wa tshisumi udi upeta tshidiye musue.

Nsumuinu 17:2

Muena mudimu wa meji udi mupite muana mupote ku mushinga. Neapete tshiende tshia bumpianyi ne bantu ba muntu.

Nsumuinu 19:15

Bufuba budi bubueja muntu mu dikenga. Udi ubika ne lulengu nealale ne nzala.

Nsumuinu 22:13

Muena lulengu utu wamba ne: “Nyama wa ntambue udipu. Tshiena mua kupatuka bua kabayi kundiila mu njila.”

Nsumuinu 22:29

Wewe mumone muntu wenza mudimu wende bimpe: muntu ewu udi mua kukuatshila nansha bamfumu mene mudimu, pa mutu pa kunkuatshila bantu ba lukutukutu.

Balombodi 1:28

Nansha diba divua bena Izrayele bamane kupeta buloba bua bungi, kupangilabu mua kuipata bena mu bimenga ebi. Kadi bena Izrayele bavua babenzeja midimu mishilangane.