Nsumuinu 12:20 - MUKANDA WA MYIDI MUKULU

²⁰ Bantu badi bela meji a kuenza bibi, badi badidinga nkayabu. Kadi bantu badi babela bantu bua basombe bimpe, nebapete disanka.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mashimi adi mu mitshima ya badi bahangidisha malu mabi, kadi badi bajingila bantu ditalala badi ne disanka.

Nsumuinu 12:20 ပူးပေါင်းရင်းမြစ်များ

2 Kulondolola 22:4

Akaziya uvua wenza malu avua Maweja-Nangila mubenge, anu bu muvuabu benza kudi ndelanganyi ya Akabe. Tatuende wa Akaziya mumane kufua, bantu ba ku ndelanganyi ya Akabe aba, bakavua bafidi ba ngenyi ba Akaziya. Kupeshabu Akaziya meji mabi avua mua kumujimija.

Misambu 119:118

Udi wipata bantu badi kabayi benza muudi musue, bualu meji abu adi ne dishima.

Nsumuinu 12:12

Muena malu mabi udi ujinga kupeta makasa amu ku bubi. Kadi bantu bakane badi bapeta makasa a mushinga a ku disuminyina diabu.

Nsumuinu 12:19

Malu malelela neashale kashidi. Kadi miaku ya dishima neishale katupa kipi.

Nsumuinu 12:21

Muntu muakane kena umona dikenga. Kadi babi badi munkatshi mua makenga.

Yirmeya 17:16

Maweja-Nangila, meme tshivua mukusake bua wewe kubatumina dikenga. Tshivua mujinge ne: babutuke. Amu wewe ke uvua mujadike malu onsu amvua muambe.

Danyele 11:27

Bakalenga babidi nebasombe muaba umue, kadi mitshima yabu neikale miuwule tente ne malu mabi. Nanku nebambilangane meyi a dishima. Disomba diabu dia pamue kadiena dilubuluka. Bualu tshikondu tshia nshikidilu katshiena tshianji kukumbana.

Zekâya 6:13

Eyo, yeye ke wamuasa tshiakabidi. Neavuale bimanyinu bia bukalenga, neasombe mu nkuasa wa bumfumu bua kulombola bantu. Mutuangaji neikale pabuipi nende. Bantu aba babidi nebumvuangane bikole.

Matayi 5:9

Bantu badi basombesha bantu nabu mu bupole, ke bena diakalenga, bualu Mvidi Mukulu neabinyike ne: mbana banyi!

Rome 1:29

Badi buwule tente ne malu mabi a mishindu yonsu: bubi, lukuka, tshikisu; badi ne lubabu munda tente, bashipangana, batandangana; bikale kabidi ne budimu, kabidi ne bibidilu bibi. Badi bena lubuakabuaka,

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.