Nsumuinu 12:16 - MUKANDA WA MYIDI MUKULU

¹⁶ Muntu mutshimbakane udi uleja tshiji tshiende patoke diakamue. Kadi muntu wa lungenyi udi usokoka kanyinganyinga kadiye naku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Tshiji tshia muhote tshidi tshimanyibua lukasa, kadi muntu mudimuke udi ubuikila tshihendu.

Nsumuinu 12:16 ပူးပေါင်းရင်းမြစ်များ

Yobe 5:2

Muntu mutatakane udi wasa Mvidi Mukulu tshilumbu, tshiotshi tshidi tshimushipa. Muntu mutshimbakane udi umvua lubabu munda, ufua nalu.

Nsumuinu 10:12

Lukinu ludi lujuula matandu, kadi dinanga didi dijibikila bilema.

Nsumuinu 12:17

Muntu udi wamba malu malelela patoke, udi wambuluisha bantu. Kadi udi ujadika malu a dishima, udi wambuluisha badi badinga bantu.

Nsumuinu 14:33

Muntu udi wela lungenyi udi ne meji. Kabena mua kusangana lungenyi kudi bantu batshimbakane to.

Nsumuinu 16:22

Badi balonda meji nebapete muoyi. Batshimbakane badi babanyoka bua bupote buabu.

Nsumuinu 17:9

Kupua tshilema muoyi nkulengeja bulunda. Kadi kutshiela misangu ne misangu kudi kushipa malanda.

Nsumuinu 25:28

Muntu udi kayi udikolela bua kafiki munda, udi bu tshimenga katshiyi ne bimana, tshidi baluishi mua kukuata ne lukasa luonsu.

Nsumuinu 27:3

Dibue didi ne bujitu, lusenga ludi luneema. Kadi lukinu lua mupote ndubipite bujitu.

Nsumuinu 29:11

Mutshimbakane udi uleja tshiji tshionsu tshidiye natshi. Kadi muntu wa meji udi udikolela, utalaja tshiji tshiende.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.