Nsumuinu 11:4 - MUKANDA WA MYIDI MUKULU

⁴ Biuma kabiena bituambuluisha dituku didi Mvidi Mukulu ukosa nsambu. Amu udi ulamata Mvidi Mukulu ke udi upanduka ku lufu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Biuma kabiena bikuatshisha muntu mu dituku dia tshiji tshikole, kadi buakane budi bumuhandisha ku lufu.

Nsumuinu 11:4 ပူးပေါင်းရင်းမြစ်များ

Genese 7:1

Maweja-Nangila kuambila Nowa ne: “Buela mu buatu ne diku diebe dionsu, bualu anu wewe ke muntu muakane munkatshi mua bantu ba tshikondu etshi.

Yobe 20:28

Dituku didi Mvidi Mukulu ufika munda, bintu bia muntu awu bionsu, nebipueke ne mayi.

Nsumuinu 10:2

Biuma bipeta ku bubi kabiena bilubuluka kudi udi nabi, kadi muntu udi uvuluka Mvidi Mukulu mu midimu yende neashale ne muoyi.

Nsumuinu 12:28

Mu njila wa buakane mudi muoyi. Padi muntu ulonda njila ewu kena ufika ku lufu.

Nsumuinu 6:34

Bualu bayende wa mukaji neikale ne tshiji ne mukawu wa bungi. Dituku dikuabu neasombuele mulume awu kayi ne luse.

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

Yezekiyele 14:14

Nansha bantu basatu aba, Nowa, Danele ne Yobe bikale munkatshi mua bantomboji aba, kadi amu basatu abu nkayabu nebasungidile mioyi yabu, bualu badi bangitaba. Meme Maweja-Nangila ndi ngamba nanku.

Yezekiyele 7:19

Nebimanshe tshiamu tshitoke tshia mushinga mukole mu misesu. Biamu biabu bia mpawungi nebabiele mu dyala, bishale bintu tshianana. Bualu tshiamu tshitoke tshia mushinga mukole, nansha tshiamu tshia mpawungi, kabiena mua kubasungidila, dituku didi Maweja-Nangila uleja tshiji tshiende. Kabiena bibapetesha tshiakudia, nansha tshintu tshikuabu tshidibu bajinga. Bualu tshiamu tshitoke tshia mushinga mukole, ne tshiamu tshia mpawungi, ke bivua bibafikisha ku bubi.

Sefanya 1:18

Dituku didi Maweja-Nangila ufika munda, tshiamu tshitoke tshia mushinga mukole, nansha mpawungi, kabiena mua kubasungidila. Buloba bujima nebubutuke, ku kapia ka tshiji tshiende. Neabutule bantu bonsu ba pa buloba. Eyowa, bionsu ebi nebikuatshishe bantu bowa.

Matayi 16:26

Muntu udi upeta buloba bujima, kadi ujimija muoyi wende, nebimuambuluishe ku tshinyi? Kakuena tshidi muntu mua kufila bua kupeta tshiakabidi muoyi wende.

Luke 12:20

Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

Rome 5:17

Bushuwa, lufu luvua ne bumfumu, anu bualu bua tshilema tshia muntu umue, tshienza kudi muntu umuepele. Kadi kudi Yezu Kristu nkayende ke kutudi tupetela bipite bungi: bualu kudiye bantu bonsu nebikale ne muoyi, nebadie bumfumu. Ke bonsu bavua Mvidi Mukulu muleje dinanga dipite bunene, bavuaye mubingishe patupu ku luse luende.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.