Nsumuinu 11:31 - MUKANDA WA MYIDI MUKULU

³¹ Muntu muakane neapete difutu diende pa buloba. Kadi mimanye ne: muena lonji ne muenji wa bibi, nebapete difutu dibakumbanyine.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Tangila, nebaleshe muntu muakane difutu diandi ha buloba; nebatumbe kufuta muntu mubi ne muenji wa malu mabi!

Nsumuinu 11:31 ပူးပေါင်းရင်းမြစ်များ

2 Samuele 22:21

Maweja-Nangila udi ungenzela nunku bualu ndi mmuitaba muanyi muonsu. Udi unsankisha, bualu ndi ngenza bimpe matuku onsu.

2 Samuele 22:25

Ke Maweja-Nangila kunsankisha, bualu ndi mmuitaba muanyi muonsu, ndi ngenza anu mudiye musue.

1 Bakalenga 13:24

Awu kuya. Pavuaye mu njila, kusambakenaye ne nyama wa ntambue. Nyama awu kumushipa. Tshitalu tshia muambi kushala panshi mu njila. Kadi, nyama wa mpunde, ne nyama wa ntambue, kushala mimane, ewu ku luseke lua tshitalu, mukuabu ku luseke.

Nsumuinu 12:1

Muntu udi musue kulonga malu, udi unanga badi bamubela. Kadi udi ubenga mibelu udi tshibubabuba.

Nsumuinu 13:21

Dikenga didi dilonda muenji wa bibi! Kadi diakalenga ke difutu dia bantu bakane.

Nsumuinu 26:10

Mfumu udi wangata muntu mutshimbakane yonsu ku mudimu, nansha muntu yonsu udi upita mu njila, udi wenzela bantu bonsu bibi.

Yeshaya 13:11

Maweja-Nangila udi wamba ne: “Ndi musue kumana bubi bua bantu, kujikija ditambisha dia bena lutambishi, kunyoka bena tshibawu, kukepesha didisua dia bena tshikisu.

Yeshaya 3:11

Bantu babi mbena diakabi. Nebabenzele muvuabu benzela bantu nabu.

Yirmeya 25:29

Tshiena mfuila tshimenga tshidi tshianyi meme luse. Ke nuenu kuela meji ne: katuena bena tshibawu. Nentume muele wa mvita, bua ushipe bantu bonsu badi mu buloba bujima. Ke mundi meme Maweja-Nangila wa bukole buonsu ngamba.”

Yezekiyele 44:10

“Bua bena Levi batua bumuka kundi, bambenga, diba ditua bena Izrayele bakuabu bambenge, bua kuya kukukuila mvidie mikuabu, nembanyoke bua bubi buabu.

Osheya 4:9

Batuangaji ne bena Izrayele, nembanyoke mushindu umue. Nembanyoke bua buenzayi buabu, nembakengeshe bua bubi buabu.