Nsumuinu 11:25 - MUKANDA WA MYIDI MUKULU

²⁵ Muntu udi wenzelangana bimpe, neapete diakalenga. Udi upa mukuabu tshiakunua, kakufua nyota.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Muena mutshima wa diha neavuishibue mubanji; wamiamina bakuabo mai neamiaminyibue handi mai kabidi.

Nsumuinu 11:25 ပူးပေါင်းရင်းမြစ်များ

2 Samuele 17:28

Bantu aba bavua batuadile Davide ne bantu bavuaye nabu: malalu, bilamba bienza ne boya bua nyama, malongu ne biakudia, ntete ya kuenza bukula, ntete ya orje, bukula mene, ntete mikanga, nkunde ya mishindu mishilangane, buitshi, manteka, fromaje muenza ne mabela a ngombe, makuabu muenze ne a mikoku. Bualu bantu abu bavua bambilangane ne: “Bantu aba bavua bapitshile mu tshipela, badi mua kuikala bapungila, bafue ne nzala ne nyota.”

Nsumuinu 11:24

Badi bapeshangana bintu ne muoyi muimpe, badi bavudija biuma biabu. Kadi badi balamina biabu ne bukonkotu, biabu abi bidi bikepela.

Nsumuinu 28:25

Muena lukuka udi usonsola amu matandu. Kadi udi utekemena kudi Maweja-Nangila neatuute dikasa dimpe.

Nsumuinu 28:27

Muntu udi upa bapete bintu ne muoyi wa kalolu, kena upeta dikenga kuende to. Kadi udi kayi musue kutangila dikenga dia mupele, bantu bavule nebamutshipe.

Nsumuinu 3:10

Nenku neuvudije mayeba tente ne ntete ya bukula. Mabungu ebe neuwule tente ne maluvu.

Nsumuinu 3:9

Ela Maweja-Nangila tuasakidila, umulambule bia ku midimu yebe, umulambule bintu bia tshianyi.

Yeshaya 32:8

Kadi muntu wa kalolu, udi wela meji amu a kalolu, udi ukumbaja kabidi malu a kalolu.

Matayi 5:7

Bantu badi bafuila bakuabu luse, ke bena diakalenga, bualu Mvidi Mukulu neabafuile luse!