Nsumuinu 11:24 - MUKANDA WA MYIDI MUKULU

²⁴ Badi bapeshangana bintu ne muoyi muimpe, badi bavudija biuma biabu. Kadi badi balamina biabu ne bukonkotu, biabu abi bidi bikepela.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Munga muntu udi wabanyina bantu bintu, kadi udi ubivudisha; mukuabo udi uhala bantu bidiye ne bua kubaha udi ukengela bintu.

Nsumuinu 11:24 ပူးပေါင်းရင်းမြစ်များ

2 Kulondolola 31:10

Azariya mutuangaji munene wa mu diku dia Sadoke, kuandamuna mukalenga Izkiya ne: — Katshia bantu batuadije kufila tshitupa tshia bintu bivuabu banowa mu madimi abu, mu nzubu wa Mvidi Mukulu, tuvua tudia tukuta, tushala ne biakudia bikuabu bia bungi. Bualu Maweja-Nangila uvua muele bena Izrayele lupemba. Biakudia bidibu bakunguja muaba ewu ebi, ke bidi bishale.

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

Nsumuinu 11:23

Bantu bakane badi bajinga kuenza bimpe. Bantu babi badi bakeba amu tshiji tshia Mvidi Mukulu.

Nsumuinu 11:25

Muntu udi wenzelangana bimpe, neapete diakalenga. Udi upa mukuabu tshiakunua, kakufua nyota.

Nsumuinu 13:7

Bamue bantu badi badiangata bu babanji, bobu bikale bianza bitupu. Banga kabidi badi badiangata bu bapele, bobu bikale babanji.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Nsumuinu 28:27

Muntu udi upa bapete bintu ne muoyi wa kalolu, kena upeta dikenga kuende to. Kadi udi kayi musue kutangila dikenga dia mupele, bantu bavule nebamutshipe.

Nsumuinu 28:8

Pikala muntu uvudija bubanji buende bualu udi usombeshangana bintu, ulomba kasombela kapite, bubanji buende nebabupete kudi muntu wa kalolu udi uvuluka bapele.

Muambi 11:6

Ke paudi mua kukuna dinda too ne dilolu kuyi wikisha. Bualu kuena mumanye kuwapetela tshintu, nansha ku mudimu wa dinda nansha wa dilolu, nansha ku yonsu ibidi.

Agayi 1:6

Nuenu kukuna bintu bia bungi, kunowa bikese. Nudi nudia, kadi kanuena mua kuukuta. Nudi nunua maluvu, kadi nyota yenu kayena ijika. Nudi nuvuala bilamba, kadi numvua anu mashika. Muena mudimu udi upeta difutu, kadi didi dijika lukasa, bu mudi bintu bimata mu tshibombi tshitubuke!

Malaki 3:8

Ndi nnuandamuna ne: ‘Panudi nudinga Mvidi Mukulu, nudi nuenza bimpe anyi? Kadi nuenu nudi amu nundinga!’ Nudi nunkonka ne: ‘Tudi tukudinga munyi?’ ‘Nudi nundinga mu tshia dikumi tshia binudi nupeta, ne mu milambu.

Luke 6:38

Nupeshe bakuabu bintu, nanku Mvidi Mukulu neanupeshe kabidi. Nebanuelele pa tshilamba bintu bipima bimpe, bishindika, bisekenkeja, biya ne panshi. Nuenzele bantu bimpe ne muoyi wa kalolu. Nanku Mvidi Mukulu neanupe mapa ende ne muoyi wa momumue.”

Dielulula 15:10

Nanku nuikale ne muoyi muimpe, nusombeshe mupele tshintu tshidiye ulomba. Nuenu benze nanku, Maweja-Nangila Mvidi Mukulu neanusankishe mu bionsu binudi nuenza.