Nsumuinu 11:22 - MUKANDA WA MYIDI MUKULU

²² Mukaji mulengele kuisu kadi kayi ne lungenyi munda, udi bu kakanu ka mpawungi, kadibu bela ku diulu dia ngulube.

Mukanda wa Nzambi Dihungila Dikulukulu ne Dihungila Dihia-dihia 2003

²² Bu mudi lukanu lua or mu diulu dia ngulube mbu mudi mukashi wa mpala mulengele udi kayi ne lungenyi.

Nsumuinu 11:22 ပူးပေါင်းရင်းမြစ်များ

Genese 24:47

Pashishe meme kumukonka ne: “Wewe udi muana wa nganyi?” Yeye kungandamuna ne: “Ndi muana wa Betuyele, ne kabidi muikulu wa Nahore ne Milka.” Ngunwua nanku, meme kumupesha bikanu bia ku maboku, kumuela ne kakanu ku diulu.

Nsumuinu 11:21

Bushuwa, bantu babi nebabanyoke. Kadi bantu bakane bonsu nebashale amu katakata.

Nsumuinu 12:4

Mukaji wa bukitu udi ukebela bayende lumu. Mukaji mubi udi bu disama didi didia mifuba ya bayende.

Nsumuinu 31:30

Bulenga bua mpala budi bushima, buimpe bua kuisu budi bujika. Amu mukaji udi witaba Maweja-Nangila ke utudi mua kutua makumbu.

Nsumuinu 7:10

Ke mukaji awu kuvua kumuakidila, muvuale bu mukaji muena buendenda, budimu munda tente.

Nsumuinu 9:13

Matshimbu udi bu mukaji muena mutoyi, bu muntu mutshimbakane mupange malu.

2 Petro 2:22

Malu adi abenzekela adi ajadika bulelela bua nsumuinu ya ne: “Mbua udi upingana ku biluishi bivuaye muluke”, “Ngulube mumane kuowa mayi, udi udibonda mu bitotshi tshiakabidi.”