Nsumuinu 10:6 - MUKANDA WA MYIDI MUKULU

⁶ Bantu badi bavuluka Mvidi Mukulu, badi badikebela diakalenga, kadi mukana mua bantu babi mudi mvita.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Masanka adi ha mutu ha muntu muakane, kadi mukana mua bantu babi mudi musokoka mei a tshimbambila.

Nsumuinu 10:6 ပူးပေါင်းရင်းမြစ်များ

Estere 7:8

Amane kudiela mu nkuasa wa tshisaka, muaba uvua Estere musombele. Diba adi mukalenga kufika mu nzubu wa didia, utumina mu lupangu. Kuelaye diyi ne: — Mulumiana ewu udi musue kabidi kuibidila mukajanyi pambidi ku bukole, bua kumufikisha ku bubi, mu nzubu muanyi, meme mutangile anyi? Amu mukalenga wamba miaku ayi, bena mudimu kusuika Amane tshilamba ku mesu.

Yobe 29:13

Bantu bavua bapunga ne lufu, bavua banjingila diakalenga. Meme kusankisha bakaji bankamba.

Misambu 107:42

Bantu bakane badi bamona basanka, kadi bantu babi badi bapuwa.

Nsumuinu 10:11

Miaku ya muntu muakane idi mpokolu wa muoyi. Miaku ya muntu mubi idi ijuula mvita.

Nsumuinu 10:5

Muena meji udi usangisha biakudia tshikondu tshia mvula, kadi muntu udi ulala tshikondu tshia dinowa mbimpe bantu bamupepeje.

Nsumuinu 11:26

Bantu badi batshipa badi bakandamana ne biakudia amu buabu nkayabu. Kadi badi banyisha bantu badi babapanyishabi.

Nsumuinu 24:25

Kadi bantu badi banyoka muena tshibawu badi bimpe. Bantu bonsu nebabele ka lumbandi.

Nsumuinu 28:20

Muntu wa muoyi umue mmuena diakalenga. Kadi udi uzukila amu bua kupeta biuma, kakupanga dinyoka nansha.

Nsumuinu 3:33

Maweja-Nangila udi utshipa nzubu ya benji ba malu mabi; kadi udi wela ya bantu bakane lupemba.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Obadya 1:10

“Nuvua baluishe bana benu, ndelanganyi ya Yakobe babashipe, bapawule bintu biabu. Nanku bundu nebunukuate. Nebanubutule kashidi.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Dielulula 28:2

Nanku Maweja-Nangila Mvidi Mukulu wenu neanusankishe mushindu ewu: