Nsumuinu 10:17 - MUKANDA WA MYIDI MUKULU

¹⁷ Muntu udi uvuluka malongesha udi wenda mu njila wa muoyi. Udi ubenga mibelu udi upambuka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Udi utumikila diyisha udi mu nshila wa muoyo, kadi udi ubenga bantu bedi udi uhambuka mu nshila.

Nsumuinu 10:17 ပူးပေါင်းရင်းမြစ်များ

2 Kulondolola 25:16

Kadi, mukalenga Amashiya kukabula muambi ku diyi, umukonka ne: — Ndi mukuteke mufidi wa ngenyi mu bukalenga anyi? Puwa, tshianana nebakuenzele bibi. Muambi kuanji kupuwa. Pashishe kuambaye ne: — Ndi mumanye ne: Mvidi Mukulu mmumane kujadika bua kukushipesha, bualu uvua muenze bibi, mubenge mua kuteleja diyi dianyi.

Nsumuinu 1:30

Nudi nulengulula mibelu yanyi, kanuyi nuangata bindi nnuambila ne mushinga.

Nsumuinu 12:1

Muntu udi musue kulonga malu, udi unanga badi bamubela. Kadi udi ubenga mibelu udi tshibubabuba.

Nsumuinu 15:10

Badi banyoka bikole bantu badi bapambuka mu njila ya buakane. Kulengulula mibelu nkuya ku lufu.

Nsumuinu 15:32

Muntu udi kayi musue kulonga malu, neadikengeshe yeye nkayende. Kadi udi uteleja mibelu neasombe biakane.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Nsumuinu 3:18

Meji adi mpokolu wa muoyi ne wa diakalenga, kudi bantu badi benza mudiwu abalongesha.

Nsumuinu 4:13

Kuvidi bivuabu bakulongeshe. Ubivuluke: ke bidi bikupetesha muoyi.

Nsumuinu 4:4

Tatu wanyi uvua undongesha, wamba ne: “Vuluka malongesha anyi bimpe. Ukumbaje mikenji indi mukupe. Nanku neushale matuku mavule pa buloba.

Nsumuinu 5:12

Newambe ne: “Eyi, mvua mubenge bivuabu bangambila. Tshivua muanyishe muvuabu bambela.

Nsumuinu 5:14

Kadi monayi, nkadi pa kupeta lumu lubi mushindu undi tshiyi mua kumueneka kabidi ku mesu a bantu.”

Nsumuinu 6:23

Bualu bidi baledi bakuambila bidi bu muendu. Mibelu yabu idi bu butoke. Malongesha abu adi atuludika mu njila wa muoyi.

Muambi 5:6

Miaku ya bungi kayena ikumbaja bualu, mudi bilota bivule kabiyi bileja bualu. Nanku enza anu muebe muonsu bua unemeke Mvidi Mukulu.

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Ebrewu 2:1

Ke patudi ne bua kuangata ne mushinga malu malelela atudi bumvue, bua katujiminyi.

Balombodi 19:17

Mukulumpe awu kumona muntu muenyi musombe muaba awu. Kukonkaye muenyi awu ne: — Udi ufuma penyi? Uyaya kunyi?