Nsumuinu 1:24 - MUKANDA WA MYIDI MUKULU

²⁴ Kadi pandi nnubikila, nudi nubenga kufika kundi. Ndi nnuoluela tshianza bua kunuambuluisha, kadi kanuena basue nansha kuntangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bualu bua nakunubikila, ne nuenu nuakuhidia kunvua. Nakuolola tshianza tshianyi, kakuakadi muntu wakuitaba.

Nsumuinu 1:24 ပူးပေါင်းရင်းမြစ်များ

2 Kulondolola 33:10

Maweja-Nangila kubela mukalenga Menashe ne bantu bende bena Izrayele. Kadi, muntu nansha umue kavua mumuteleje to.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Yobe 33:14

Kadi Mvidi Mukulu udi amu wakula misangu ne misangu, mishindu ne mishindu. Kadi bantu kabena bamuteleja ne ntema nansha.

Misambu 31:20

Kadi Maweja-Nangila, bantu badi bakuitaba, udi ubenzela bimpe bitambe. Bantu bonsu badi bamona bilenga biudi upesha badi banyemena kuudi.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Yeshaya 50:2

Pamvua mufike bua kunusungidila, tshivua musangane muntu bua tshinyi? Pamvua mubabikile, kabavua bangandamune bua tshinyi? Maboku anyi mmatambe buipi anyi? Tshiena ne mushindu wa kunuambuluisha anyi? Ndi mupange dikanda bua kunusungidila anyi? Kadi vulukayi ne: meme muakule amu muaku umue, ndi ngumisha mayi manene, ndi ngandamuna misulu yenza tshipela. Nenku, mishipa neipange mayi, neifue nyota, neituadije kubola.

Yeshaya 65:12

Nanku ndi munusunguile lufu lua tshinyangu. Nenufue bonsu binu panshi, bua banukose mitu. Bualu, mvua munubikile, kadi nuenu nansha kuitaba. Mvua munuambile malu, kadi nuenu nansha kunteleja. Nutu nuenza amu bindi mubenge. Nudi nusungula amu bidi kabiyi mua kunsankisha.

Yeshaya 65:2

Meme mvua muoluele bantu bavua bantombokela bianza. Bantu aba bavua balonda njila mubi, uvuabu badisunguile.

Yeshaya 66:4

Meme kabidi nensanke padibu bakenga. Nembatumine makenga onsu, adibu batshina. Bualu ndi muele lubila, kadi muntu nansha umue kena mungitabe. Meme kubambila malu, kadi kabavua bateleja. Bavua benza amu bindi mubenge. Bavua basungula amu bidi kabiyi binsankisha.”

Yirmeya 35:17

Yirmeya kuamba kabidi ne: — Ke padi Maweja-Nangila wa bukole buonsu, Mvidi Mukulu wa Izrayele wamba ne: “Nuenu bena Yuda ne bena Yerushalayime, nennutumine makenga onsu amvua mudianze kunumanyisha. Bualu mvua munubele, kadi kanuvua banteleje. Mvua munubikile, kadi kanuvua bitabe to.”

Yirmeya 44:16

— Udi wamba ne: ndi nnuambila malu mu dina dia Maweja-Nangila. Kadi tudi tubenga kukuteleja.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.

Yirmeya 9:6

Nanku, Maweja-Nangila wa bukole buonsu udi wamba ne: “Ndi musue kubengulula mu kapia. Nembatete mbalengeje. Ke tshindi ne bua kuenzela bantu bena Izrayele, bua tshikisu tshiabu.

Yezekiyele 8:18

Nanku, nemfike munda, nembanyoke ne tshiji tshikole. Tshiena mua kubafuila luse, tshiena mua kulekela bilema biabu to. Nansha bobu bela mbila, balomba bua meme kubambuluisha, tshiakubateleja nansha.

Zekâya 7:13

wamba ne: “Pamvua mubabikile bua benze mundi musue, kabavua basue kunteleja. Nanku pavuabu bambikila bua meme kubambuluisha, meme kubenga kabidi.

Bienzedi 4:30

Olola tshianza tshiebe, jikija masama a babeedi, enza bishima ne malu a dikema, mu dina dia muntu webe wa tshijila Yezu.

Rome 10:21

Kadi bua bena Izrayele, muaba mukuabu mbafunde ne: “Dituku dijima mvua muolole bianza kudi bantu bavua bambenga, bantombokela.”

1 Samuele 28:6

Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.