Nsumuinu 1:22 - MUKANDA WA MYIDI MUKULU

²² “Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Mukanda wa Nzambi Dihungila Dikulukulu ne Dihungila Dihia-dihia 2003

²² Nuenu batshimbakanyi, nenunange butshimbakane musangu bule munyi? Badi babuidia nebasanke mu kubuidia kuabo, bahote nebakine lungenyi musangu bule munyi?

Nsumuinu 1:22 ပူးပေါင်းရင်းမြစ်များ

Yobe 34:7

Yobe mmuntu wa mushindu kaayi? Udi usendeka Mvidi Mukulu, anu bu mudi muntu unua mayi.

Misambu 1:1

Muena diakalenga ngudi ubenga meji adi bantu babi bamuambila, kayi ulonda tshidi bantu bapambuke benza, kayi usomba pamue ne bantu badi baseka Mvidi Mukulu!

Misambu 94:8

Nuenu batshimbakane ba pa buloba, nuadimuka! Nuenu babule ngenyi, nenuele meji diba kaayi?

Ekesode 10:3

Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Ekesode 16:28

Maweja-Nangila kukonka Moshe ne: — Bena Izrayele nebabenge kuitaba meyi anyi ne mikenji yanyi too ne ku diba kaayi?

Nsumuinu 1:21

Adi ela lubila mu mansanga a njila, ambila bantu badi basangila ku biibi bia mu tshimenga ne:

Nsumuinu 1:29

Nebienzeke nanku, bualu nudi nubenga kulonga malu, kanuena basue kutshina Maweja-Nangila to.

Nsumuinu 1:32

Bualu tshibulengenyi udi ubutuka padiye ubenga meji. Kalengu ka bantu bapote kadi kabajimija.

Nsumuinu 1:4

Nsumuinu idi ileja bantu badi kabayi banji kumona malu panu njila udibu mua kulonda; idi ilongesha bansongalume malu adibu ne bua kuelangana meji.

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

Nsumuinu 14:6

Musekianganyi udi ukeba kupeta meji, kadi kena wapeta to. Muntu udi wela meji, udi umanya lukasa tshidiye ne bua kuenza.

Nsumuinu 15:12

Muena ditambisha kena musue badi bamubela. Kena ukonka bantu ba meji bualu nansha bumue.

Nsumuinu 19:29

Bena ditambisha nebabanyoke. Muntu mutatakane nebamutuute.

Nsumuinu 21:11

Padibu banyoka muena ditambisha mupote udi upeta meji. Kadi muntu wa meji udi ulonga malu ku bionsu bidibu bamulongesha.

Nsumuinu 21:24

Muntu udi upepeja bantu, uditambisha, kena wangata tshintu nansha tshimue ne mushinga. Malu onsu adiye wenza adi aleja mudiye uditambisha kashidi.

Nsumuinu 22:3

Muntu mudimuke udi umona dikenga diamba kumukuata, udiepuka. Bantu batatakane badi babuelamu musangu umue, badikengeshisha.

Nsumuinu 3:34

Maweja-Nangila udi upetula badi bamupetula; kadi udi unanga bantu bapuekele.

Nsumuinu 5:12

Newambe ne: “Eyi, mvua mubenge bivuabu bangambila. Tshivua muanyishe muvuabu bambela.

Nsumuinu 6:9

Kadi wewe muena lulengu neulale tulu too ne ku diba kaayi? Neubike ku tulu diba kaayi?

Nsumuinu 7:7

Meme kumona munkatshi mua bansongalume badi kabayi bamanye malu, nsongalume mukuabu mubule meji bikole.

Nsumuinu 8:5

Nuenu batshidi batshimbakane, longayi munudi mua kupeta meji. Nuenu bapote, ikalayi ne lungenyi.

Yirmeya 13:27

Ndi mbenga malu ebe a bundu, ne tuseku tuebe tuakulobesha natu bantu, tshiendenda tshiebe tshia bundu. Mvua mumone pa mikuna ya mu ditunga mvidie yebe idi kufuisha bundu! Yerushalayime, udi muena diakabi! Neudilengeje diba kaayi?

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Dibadika 14:27

— Bantu babi aba nebangele mpata kashidi anyi? Ndi mumvue mudibu banjane.

Matayi 17:17

Yezu kuandamuna ne: — Nuenu nudi bantu babi, badi kabayi bitaba Mvidi Mukulu! Nenshale nenu kabidi matuku bungi munyi? Nengikale amu ndengulula malu enu too ne ku diba kaayi? Semenayi ne muana kundi apa.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

Luke 19:42

wamba ne: — Bu wewe mua kujingulula bidi mua kukupetesha ditalala! Kadi mpindiewu malu onsu aa mbakusokokewu. Kuena mua kuamona!

Yowanane 3:20

Muntu yonsu udi wenza bualu bubi, udi ubenga butoke. Kena ufika padi butoke, bualu udi utshina bua malu ende mabi kaamueneki patoke.

2 Petro 3:3

Bangabanga numanye ne: matuku a nshikidilu nekupatuke bantu badi balonda amu majinga abu. Nebanuseke, banuebeja ne:

Didimanyisha 22:17

Mueyelu wa Tshijila, ne Mukaji udi ubuela mu dibaka, badi bamba ne: “Luaku!” Udi mumvue muaku ewu, ambe kabidi ne: “Luaku!” Muntu udi ne nyota, asemene pabuipi. Muntu udi ujinga kunua mayi a muoyi, nebamupewu tshianana.