Ngalate 5:22 - MUKANDA WA MYIDI MUKULU

²² Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Mukanda wa Nzambi Dihungila Dikulukulu ne Dihungila Dihia-dihia 2003

²² Kadi mamuma a Nyuma adi dinanga, disanka, ditalala, lutulu, luse, buimpe, bunanukidi bua lulamatu,

Ngalate 5:22 ပူးပေါင်းရင်းမြစ်များ

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Misambu 92:14

Udi bu mutshi mukuna mu lubanza lua nzubu wa Mvidi Mukulu, udi udiunda mu nzubu mua Maweja-Nangila Mvidi Mukulu wetu.

Muambi 7:8

Bidi bimpe kukosesha mutoyi, pa mutu pa kubangulula. Bidi bimpe kuikala muena lutulu, pa mutu pa kuikala muena ditambisha.

Yirmeya 33:6

Kadi, ndi ngondapa tshimenga etshi, mudibu bondapa muntu ne mputa. Nentshiondape, ntshipesha bukole bua mubidi. Nemfile bupole ne ditalala kudi bantu batshi.

Osheya 14:8

Bantu banyi nebapingane kundi, bua meme kubalama. Nebadime, banowe ntete ya kuenza bukula. Nebalambe bu mionji ya mvinyo. Nebikale ne lumu, bu mudi maluvu mimpe a mu Lebanone.

Matayi 12:33

— Wewe musue kupeta bimuma bimpe, wikale ne mutshi muimpe. Wewe ne mutshi mubi, neupete bimuma bibi. Bualu badi bamanyina mutshi ku bimuma biawu.

Luke 13:9

Bumue udi mua kukuama bimuma tshidimu tshialonda. Pikalawu kauyi mukuame, diba adi neuukoseshe!”

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 15:2

Udi ukosa katamba kuonsu kadi kundi, kadi kakayi kakuama bimuma; udi upempa, ulengeja katamba kuonsu kadi kakuama bimuma bua kakuame bivule.

Yowanane 15:5

Ndi mutshi wa nwinyo. Nuenu nudi matamba. Muntu udi ushala mudisange nanyi, kabidi undi ndisanga nende, neakuame bimuma bia bungi. Bualu nuenu kanuyi nanyi, kanuena mua kuenza bualu nansha bumue.

Rome 14:17

Bualu Bukalenga bua Mvidi Mukulu kabuena ku biakudia nansha ku biakunua. Kadi budi ku malu mimpe, ku bupole, ne ku disanka didi Mueyelu wa Tshijila utupesha.

Rome 15:14

Bana hetu, meme mene ndi mushindike ne: nudi bena muoyi muimpe. Nudi bamanye bionsu binudi ne bua kumanya. Nudi ne bukole kabidi bua kubelangana nkayenu.

Rome 15:3

Bualu Kristu kavua musombe panu, amu bua kukeba bivua mua kumusankisha yeye nkayende. Ke padi Mukanda wa tshijila wamba ne: “Padibu bakupenda, badi bampenda ne meme.”

Rome 15:30

Kadi, bana hetu, ndi nnulomba ne: mu dina dia Mfumu wetu Yezu Kristu, ne ku bukole bua dinanga didi Mueyelu wa Tshijila utupa: luanganayi nanyi. Nutendelele, nundombele kudi Mvidi Mukulu.

Rome 6:22

Kadi lelu mbanupikule ku bubi. Nudi nukuatshila Mvidi Mukulu mudimu. Ke munudi bantu ba tshijila, badi benza bidi Mvidi Mukulu musue. Ku ndekelu nenupete muoyi wa tshiendelele.

Rome 7:4

Bana hetu, bidi bia momumue kabidi buenu nuenu. Nudi bafue ku bidi bitangila mikenji, bualu nudi badisange mu mubidi wa Kristu. Mpindiewu nudi bantu ba muntu mukuabu, ba muntu uvua mubike ku bafue, bua tukuatshile Mvidi Mukulu midimu idi imusankisha.

Rome 8:5

Bualu badibu baludika kudi buntu buabu nkayabu, badi bakeba amu bidi buntu buabu abu bujinga. Kadi badibu baludika kudi Mueyelu wa Tshijila, badi bakeba bidi Mueyelu wa Tshijila ujinga.

1 Korente 13:13

Mpindiewu, bisatu abi bidi bishala: ke ditaba, ditekemena, ne dinanga. Kadi ku bisatu abi tshidi tshipite bikuabu ke dinanga.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Efeze 4:23

Nuikale bantu bapiabapia. Nupete ne meji mapiamapia.

Efeze 5:9

Bualu amu ku butoke, ke kudi kupatuka bulenga, buakane, ne bulelela, bua mishindu yonsu.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Kolose 1:10

Nanku nenumone mua kusomba mudi Mfumu musue, kuenza kabidi diba dionsu bidi bimulengelela. Nenuenze midimu mimpe ya mishindu yonsu. Nenuye kumpala mu dimanya dienu dia Mvidi Mukulu.

2 Tesalonike 3:2

Lombayi kabidi bua Mvidi Mukulu atusungidile ku bianza bia bantu babi, ne bia bena malu mabi. Bualu bantu kabena basue bonsu kuitaba.

1 Timote 3:11

Bakaji babu kabidi badi ne bua kudinemeka. Kabikadi bena bijanu. Bamanye mua kudilama. Bikale bantu ba diyi dimue mu malu onsu.

1 Timote 4:12

Muntu kakupetudi bua paudi nsongalume. Uleje bena ditaba malu mimpe a dinanga, a ditaba, ne a bunonoke, mu bionsu biudi wamba, ne bionsu biudi wenza.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.

1 Petro 5:12

Silase, undi ntangila bu muena ditaba netu wa muoyi umue, mmungambuluishe bua kufunda mukanda mukese ewu. Ndi musue kunukolesha ku muoyi, kunujadikila kabidi ne: nenumvue mu makenga dinanga didi Mvidi Mukulu ununanga nadi. Nushindame mu dinanga diende adi.