Ngalate 5:20 - MUKANDA WA MYIDI MUKULU

²⁰ ku ditendelela dia mvidie, ne ku majimbu; ku lukinu, matandu, lubabu, tshiiji, difuilakana mianzu, diabulukangana, ditapulukangana;

Mukanda wa Nzambi Dihungila Dikulukulu ne Dihungila Dihia-dihia 2003

²⁰ ditendelela dia mpingu, kubaka kua manga, lukuna, kutandangana, mukau, tshishi, kutahuluka, mpata, diyoyo,

Ngalate 5:20 ပူးပေါင်းရင်းမြစ်များ

2 Kulondolola 33:6

Uvua mulambule ne bana bende ba balume bu mulambu mu tshibandabanda tshia Inome. Uvua wenza majimbu a mishindu mishilangane, ubuka lubuku lua muzangu. Nanku, Menashe uvua wenza amu kuenza malu adi Maweja-Nangila mubenge, umufikisha munda.

Yezekiyele 22:18

— Yezekiyele, ndi mumone ne: bena Izrayele mbafuanangane ne bikanganya. Badi bu tshiamu tshitoke tshia mushinga mukole, nansha bu tshiamu tshia kabanda, nansha bu tshiamu tshikunze, nansha bu tshiamu tshia ntenda, bidibu bela mu kapia bua kubiengulula, kumusha bikanganya.

Rome 2:8

Kadi bavua bamutombokela, babenga bulelela, badifila ku malu mabi, neabaleje tshiji tshiende ne kanyinganyinga kende.

1 Korente 11:19

(Matapuluka adi ne bua kuenzeka munkatshi muenu, bua badi balama ditaba dilelela, bamueneke patoke.)

2 Korente 11:19

Bu munudi ne meji, nenulengulule ne mimuemue bupale bua bakuabu!

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Ngalate 5:15

Kadi panudi nusumangana, nusunsulangana, bu nyama ya lonji, nudimuke, tshianana nenubutulangane.

Dielulula 18:10

Muntu nansha umue wa kunudi, kena mua kuosha muanende wa balume nansha wa bakaji bua kumulambula. Kabidi muntu kena mua kuenza majimbu, kutempa, nansha kulowa bantu,

Tite 3:10

Muntu udi utapululangana, umubele musangu wa kumpala, umubele kabidi musangu muibidi. Kadi pabengaye kuitaba, umumushe munkatshi muenu.

Yakobe 3:14

Kadi padi muoyi wenu mumane kunyanguka ne lubabu, ne lungenyi lua difuilakana mianzu, kanuditambishi bua meji to. Kanushimi, kanuvidi malu adi malelela.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

1 Yone 3:15

Muntu yonsu udi ukina muanabu mmushipianganyi. Nudi bamanye ne; mushipianganyi kena ne muoyi wa kashidi munda muende.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.