Ngalate 5:11 - MUKANDA WA MYIDI MUKULU

¹¹ Bana hetu, meme mutshikale mulongeshe bushuwa ne: badi ne bua kunuteka panshi, batshidi bankengesha bua tshinyi? Diba adi Lumu lua Disanka lua Kristu, mupopela pa mutshi mutshiamakane, lundi ndongesha, kaluvua mua kutonda muntu to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kadi meme, bana betu, bingikala ntshidi nuambila bualu bua ditengula, ntshidi nkengeshibua bua tshinyi? Nunku dilenduisha dia mutshi mutshiamakane diakumushibua.

Ngalate 5:11 ပူးပေါင်းရင်းမြစ်များ

Yeshaya 8:14

Meme ndi muaba udi bantu mua kunyemena. Kadi ndi kabidi dibue, dia kukuma dikasa kudishinda. Ndi dibue didi dishinda makalenga onsu abidi, bua bena Izrayele ne bua bena Yuda. Ndi buteyi budi bukuata bena mu Yerushalayime.

Bienzedi 16:3

Ke pavua Polu musue kuya nende. Nanku kuyaye kumuteka panshi, bualu bua bena Yuda bavua mu ditunga adi. Bualu bonsu bavua bamanye muvua tatuende wa Timote muena Ngreke.

Bienzedi 21:21

Kadi bavua babambile ne: Polu udi ulongesha bena Yuda bonsu, badi basomba munkatshi mua bisamba bikuabu, ne: kanulondi mikenji ya Moshe, kanuteki bana benu panshi, nulekele bibidilu bia bena Yuda.

Bienzedi 21:28

bela mbila ne: — Bena Izrayele, tuambuluishayi! Monayi muntu udi ulongesha bantu bonsu miaba yonsu, bua bapepeje tshisamba tshia Izrayele, mikenji ya Moshe, ne nzubu wa Mvidi Mukulu ewu. Lelu mmubueje bantu ba bisamba bikuabu mu nzubu ewu! mMupishe muaba ewu wa tshijila mukiya!

1 Korente 1:18

Bualu bantu badi kabayi benda mu njila wa lupandu, badi batangila dilongesha dia bualu bua lufu lua Kristu pa mutshi mutshiamakane, bu dilongesha dia bupale. Kadi bualu buetu tuetu badi benda mu njila awu, dilongesha adi didi bukole bua Mvidi Mukulu.

1 Korente 1:23

Kadi tuetu tudi tukobola Kristu uvuabu bapopele pa mutshi mutshiamakane. Bena Yuda badi bakamba ne: nudi nusendeka Mvidi Mukulu. Badi kabayi bena Yuda badi bakamba ne: nudi nulongesha malu a bupale.

1 Korente 15:30

Tuetu kabidi tudi tudiela mu njiwu diba dionsu bua tshinyi?

Ngalate 2:3

Nanku Tite, utudi tukuata nende mudimu, nansha yeye muena Ngreke, ki mbambe bua bamuteke panshi.

Ngalate 3:1

Nuenu bena Ngalate, nudi bantu batatakane! Uvua munulowe nnganyi? Tshivua munuleje patoke Yezu Kristu, uvuabu bapopele pa mutshi mutshiamakane anyi?

Ngalate 4:29

Bu muvua muana muabu balele bu bantu bonsu, mukengeshe kale muabu balele ku bukole bua Mueyelu wa Mvidi Mukulu, ke mudibu banukengesha lelu.

Ngalate 6:12

Badi basue bua banuteke panshi ku bukole mbantu kaayi? Ke badi bakeba amu bilenga bia panu, batshina bua kababakengeshi bualu bua mutshi mutshiamakane wa Kristu.

Ngalate 6:17

Matuku adi kumpala, muntu kantatshishi kabidi to. Bualu bibangu bindi nabi ebi bidi bijadika mundi mupika wa Yezu.