Ngalate 4:8 - MUKANDA WA MYIDI MUKULU

⁸ Kale kanuvua bamanye Mvidi Mukulu nansha. Ke munuvua bapika ba bintu bivua kabiyi nansha mvidie mene.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi ku tshikondo atshi, bualu bua kanuakamanya Nzambi, nuakadi mu buhika bua bintu bidi kabi nzambi mu tshikadilu tshiabi;

Ngalate 4:8 ပူးပေါင်းရင်းမြစ်များ

2 Kulondolola 13:9

Nudi bipate batuangaji ba bushiwa ba Maweja-Nangila, ndelanganyi ya Arone, ne bena Levi. Nudi badisunguile batuangaji bu mudibu benza kudi bena matunga makuabu. Bua muntu kupeta mudimu wa butuangaji wa mvidie eyi, idi kayiyi nansha mvidie mene, uvua ufila amu ngombe mulume umue ne mikoku ya bimpanga muanda mutekete.

Ekesode 5:2

Mukalenga wa bena Ejipitu kubandamuna ne: — Maweja-Nangila nnganyi? Meme tshiena mumanye Maweja-Nangila bua meme kuitaba diyi diende. Tshiena ndekela bena Izrayele baye to!

Yeshaya 37:19

Bavua boshe, banyangakaje mvidie ya matunga aa, bualu kayivua mvidie ya bushiwa to. Ivua amu mpingu ya mitshi, nansha ya mabue masonga kudi bantu.

Yirmeya 10:25

Tshiji tshiebe utshitekele bantu ba bisamba bikuabu abu, badi kabayi basue kukumanya, badi kabayi bakutendelela. Bualu badi biba bintu bia bantu bebe, badi bapawula bintu bietu bionsu, banyanga ditunga dietu dijima.

Yirmeya 16:20

Muntu kena mua kudienzela mvidie wende. Mvidie idi bantu benza kayena mvidie nansha!”

Yirmeya 2:11

Nenujadike ne: kakuena tshisamba tshidi tshianji kubenga mvidie yatshi. Kabidi mvidie ayi, kayena nansha mvidie ya bushuwa! Kadi, tshisamba tshianyi tshia bena Izrayele, nansha bobu bamane kumona butumbi buanyi, kumbengabu, kunshintakaja ne mvidie idi kayiyi mua kubambuluisha.

Yirmeya 5:7

Wewe Yerushalayime, ndi ne bua kukufuila luse bua tshinyi? Bana bebe mbambenge. Badi batela mvidie ya tshianana padibu baditshipa. Meme kubapesha bintu bionsu bua badie bukute. Kadi bobu kuenda anu tshiendenda. Badi basomba diba dionsu anu mu nzubu wa mukaji muena tshiendenda.

Yowanane 1:10

Muaku uvua pa buloba. Mvidi Mukulu uvua mufuke bintu bionsu ne Muaku. Kadi bantu kabavua bitabe Muaku.

Bienzedi 14:12

Bavua binyika Barnabase ne: Zewuse, Polu ne: Ermese, bualu Polu ke uvua wakula.

Bienzedi 17:23

Bualu ndi muendakane mu tshimenga tshienu tshionsu. Meme kumona miaba yonsu inudi nutendelela. Meme kusangana tshilambuilu tshikuabu: bavua bafundapu ne: “Mvidie utudi katuyi bamanye.” Kadi tshinudi nutendelela kanuyi bamanye, meme ndi musue kunumanyishatshi.

Rome 1:23

Pa mutu pa kukukuila Mvidi Mukulu wa butumbi udi kayi ufua, badi batendelela mpingu ya bantu badi bafua, ya nyunyi, ya nyama ya bidimba binayi, ne ya bilandadi.

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

1 Korente 12:2

Nudi bamanye ne: diba dinuvua kanuyi banji kuitaba Mvidi Mukulu, bavua banusaka, bua nutendelele mvidie ya patupu, kanuyi mua kutua nkanana.

1 Korente 8:4

Nuvua bangebeje ne: tudi mua kudia minyinyi ivuabu balambule mvidie anyi? Tudi bamanye bimpe ne: mvidie mikuabu kayenaku to. Mvidi Mukulu udi amu umue.

Ngalate 4:3

Ke mutuvua bapika ba makole a mulu, bualu tutshivua bana.

Efeze 4:18

Badi ne lungenyi lukutakane. Bu mudibu bapange malu bikole, bapapisha muoyi wabu wa munda, kabakupeta muoyi udi Mvidi Mukulu ufila.

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

1 Tesalonike 4:5

Kanulondi lukuka lubi lua mubidi, mudi bantu badi kabayi bamanye Mvidi Mukulu benza.

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Yoshua 24:2

Yoshuwa kubambila bonsu ne: — Telejayi tshidi Maweja-Nangila, Mvidi Mukulu wa bena Izrayele, wamba: “Ku kale, bankambua benu bavua base dishiya dia musulu munene wa Perate, batendelelamu mvidie ya bantu benyi. Bankambua benu abu bavua bena diku dia Tera, tatuende wa Abrahame, ne wa Nakore.

1 Petro 4:3

Bualu ku kale nuvua bajimije meba mapite bungi, nuenza malu adi bantu badi kabayi bamanye Mvidi Mukulu basue kuenza. Nuvua bende mu njila mibi, balonde majinga mabi, bakuatshike maluvu, badie budiavi, banue bunuavi, batendelele mvidie mibi ya patupu.

1 Yone 3:1

Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.