Ngalate 4:21 - MUKANDA WA MYIDI MUKULU

²¹ Nudi basue kudienza bapika ba mikenji. Kadi kanuena bumvue tshidi mikenji eyi mene yamba anyi?

Mukanda wa Nzambi Dihungila Dikulukulu ne Dihungila Dihia-dihia 2003

²¹ Nungambile bienu, nuenu badi basue kuikala munshi mua mikenshi, kanuena nunyua mikenshi, anyi?

Ngalate 4:21 ပူးပေါင်းရင်းမြစ်များ

Marke 10:3

Yezu kubebeja ne: — Moshe uvua munuelele mukenji kaayi.

Luke 16:29

Abrahame kuandamuna ne: “Bana benu badi ne Moshe ne bambi badi mua kubadimuja. Babateleje.”

Yowanane 10:34

Yezu kubandamuna ne: — Mu mukanda wenu wa Mikenji mbafunde ne: Mvidi Mukulu uvua muambe ne: “Nudi nwidie.”

Yowanane 12:34

Bantu bavule kumuandamuna ne: — Tudi balonge mu Mikanda ya mikenji yetu ne: Meshiya neashale ne muoyi tshiendelele. Nanku muudi mua kuamba ne: Muana wa muntu nebamuele kulu mbishi? Awu Muana wa muntu nnganyi?

Yowanane 15:25

Kadi bidi bienzeka nanku bua miaku ikumbane idibu bafunde mu mukanda wa mikenji yabu ne: “Mbankine kapayi bualu.”

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Ngalate 3:10

Kadi badi bela meji ne: Mvidi Mukulu neatubingishe, bualu tudi tukumbaja mikenji, mbena tshibawu. Bualu mikanda ya tshijila idi yamba ne: “Udi kayi ukumbaja bimpe diba dionsu bionsu bidibu bafunde mu mukanda wa mikenji, mmuena tshibawu.”

Ngalate 4:9

Kadi mpindiewu nudi bamanye Mvidi Mukulu. Tuambe ne: Mvidi Mukulu mmunumanye! Kadi mmunyi munudi basue kupingana ku bintu ebi bidi kabiyi ne bukole, kabiyi mushinga, kudienza bapika babi?