Ngalate 3:5 - MUKANDA WA MYIDI MUKULU

⁵ Padi Mvidi Mukulu unupesha Mueyelu wende, wenza malu a kukema munkatshi muenu, udi wenza nanku, bua panudi bumvue Lumu lua Disanka, baluitabe, ki mbua panudi bakumbaje mikenji.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wakanuha Nyuma ne udi wenza malu a kukema munkatshi muenu, yeye udi wenza nunku bua kuenza kua mikenshi anyi bua kunvua kua lumu luimpe ne ditabusha?

Ngalate 3:5 ပူးပေါင်းရင်းမြစ်များ

Bienzedi 14:3

Kadi Polu ne Barnabase bavua amu mua kushala matuku makumbane mu Ikoniyume. Bavua batekemena kudi Mfumu, balongesha bantu ne: Mfumu ke udi utupa bumfumu bua kuenza bishima ne malu a dikema. Ke mudiye unuleja ne: bitudi tunulongesha pa dinanga didi Mvidi Mukulu utunanga nadi mbilelela.

Rome 10:17

Nenku ditaba didi difuma ku diteleja dia Lumu ludibu batumanyisha. Lumu alu ludi lufuma ku muaku uvua Kristu mene muambe.

Rome 15:19

ku bukole bua bishima ne bua malu a dikema, kabidi ne ku bukole bua Mueyelu wa Tshijila. Ke mumvua mulongeshe muanyi muonsu Lumu lua Disanka ludi lutangila Kristu. Mvua muendakane nseke yonsu, kutuadijila mu Yerushalayime, too ne ku buloba bua Iliriya.

1 Korente 12:10

Mukuabu udi upeta kudi Mueyelu dipa dia kuenza malu a dikema, mukuabu dipa dia kumanyisha bantu malu avua Mvidi Mukulu mumuambile. Munga udi upeta dipa dia kusunguluja bidi bifuma kudi Mueyelu wa Mvidi Mukulu, ne bidi kabiyi bifuma kudiwu. Umue udi upeta dipa dia kuakula miakulu idi bantu kabayi bamanye, munga dipa dia kumvuija bidibu bamba mu miakulu ayi.

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

2 Korente 12:12

Lutuulu lumvua nalu, malu a dikema ne bishima bimvua muenze munkatshi muenu, ke bivua mua kunujadikila mundi mupostolu.

2 Korente 13:3

Nudi basue kujadika mudi Kristu wakuila mukana muanyi. Nanku nenujadike bualu ebu diba adi. Kristu kakunuteketela to. Kadi nealeje bukole buende munkatshi muenu.

2 Korente 3:8

kadi butumbi budi bumueneka padi Mueyelu ukuata mudimu, nebuikale bunene bupite!

2 Korente 9:10

Mvidi Mukulu udi upesha tshidime maminu ne biakudia, neanupeshe maminu onsu anudi nukengela. Neaameneshe kabidi. Nanku muoyi wenu wa kalolu neukuame bimuma bimpe.

Ngalate 3:2

Ndi musue kunuela lukonku amu lumue: nuvua bapete Mueyelu wa Mvidi Mukulu bua tshinyi? Bualu nuvua bakumbaje mikenji, anyi bualu nuvua bumvue Lumu lua Disanka, baluitabe?

Filipe 1:19

bualu ndi mumanye ne: ku ditendelela dienu, ne ku diambuluisha dia Mueyelu wa Yezu Kristu, bionsu abi nebimpeteshe lupandu.