Ngalate 3:2 - MUKANDA WA MYIDI MUKULU

² Ndi musue kunuela lukonku amu lumue: nuvua bapete Mueyelu wa Mvidi Mukulu bua tshinyi? Bualu nuvua bakumbaje mikenji, anyi bualu nuvua bumvue Lumu lua Disanka, baluitabe?

Mukanda wa Nzambi Dihungila Dikulukulu ne Dihungila Dihia-dihia 2003

² Ndi musue kunukonka anu bualu bumue, Nuakangata Nyuma bua kuenza kua mikenshi anyi bua kunvua kua lumu luimpe ne ditabusha?

Ngalate 3:2 ပူးပေါင်းရင်းမြစ်များ

Bienzedi 15:8

Mvidi Mukulu udi mumanye mioyi ya bantu, mmuleje mudiye muanyishe bantu ba bisamba bikuabu, bualu mmubapeshe Mueyelu wa Tshijila mumue netu.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Bienzedi 8:15

Bobu bamane kufika mu Samariya, kutendelelabu Mvidi Mukulu, bua bena ditaba bapete Mueyelu wa Tshijila.

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

1 Korente 9:21

Momumue kabidi, pandi muaba udi bantu kabayi bamanye mikenji ya Moshe, ndi nsomba mudibu basomba bobu, tshiyi ndama mikenji, bua kufikisha bantu aba kudi Kristu. Kadi tshiena musue kuamba ne: ndi mbenga mikenji ya Mvidi Mukulu to. Mikenji indi ndama meme nya Kristu.

2 Korente 11:4

Bualu nudi nuitaba pa lukasa muntu udi unulongesha Kristu mushilangane ne utuvua banulongeshe. Nudi basue kuakidila diakamue mueyelu mushilangane ne unuvua bapete, nuanyisha kabidi Lumu lua Disanka lushilangane ne lutuvua banulongeshe.

Ngalate 3:14

Kristu uvua muenze nanku, bua Mvidi Mukulu amone mua kuela bantu ba bisamba bikuabu lupemba kudiye, muvuaye mulaye Abrahame; ne bua tupete, bualu bua ditaba dietu, Mueyelu uvua Mvidi Mukulu mulaye.

Ngalate 3:3

mMunyi munudi kanuyi mua kumvua? Tshidi Mueyelu wa Mvidi Mukulu mutuadije munda muenu, nudi basue kudikumbajilatshi amu ku bukole buenu nkayenu!

Ngalate 3:5

Padi Mvidi Mukulu unupesha Mueyelu wende, wenza malu a kukema munkatshi muenu, udi wenza nanku, bua panudi bumvue Lumu lua Disanka, baluitabe, ki mbua panudi bakumbaje mikenji.

Ebrewu 2:4

Mvidi Mukulu uvua kabidi mujadike bulelela bua bivuabu bambe ku bishima ne ku malu a kukema a mishindu yonsu. Uvua muabanye kabidi mapa a kudi Mueyelu wa Tshijila muvuaye musue.

Ebrewu 4:2

Bualu bavua batumanyisha Lumu lua Disanka bu muvuabu batumanyishe bavua mu tshipeta. Bavua bumvua Lumu elu kabavua baluitabe.

Ebrewu 6:4

Tshidi mua kuenzekela badi bapingana tshiakabidi mu nsombelu mubi ntshinyi? Bakaya bamane kupeta butoke bua Mvidi Mukulu. Bavua balabule dipa dia mulu, badisange ne Mueyelu wa Tshijila.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.