Ngalate 3:16 - MUKANDA WA MYIDI MUKULU

¹⁶ Kadi Mvidi Mukulu mene mmulaye Abrahame, mulaye kabidi muntu wa ku ndelanganyi yende. Mikanda ya tshijila kayena yamba ne: “mmulaye ndelanganyi yende,” bu idi itela bantu bavule. Idi yambane: “mmulaye muntu wa ku ndelanganyi yebe.” Nanku idi itela amu muntu umue, ke Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Milayi yakalayidibua Abalahama ne kankanunuina kandi; kayakalayidibua tunkanunuma tua bungi, kadi anu muntu umue, kankanunuina kebe, Kilisto mene.

Ngalate 3:16 ပူးပေါင်းရင်းမြစ်များ

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 15:5

Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Genese 21:12

Kadi Mvidi Mukulu kuambila Abrahame ne: — Kufiki munda bua muana ewu ne bua mukajebe mupika to. Itaba bionsu bidi Sara mukuambile. Uvuluke ne: ndelanganyi yebe yonsu imvua mukulaye neyifumine anu kudi Izake.

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Matayi 1:1

Mena a bankambua ba Yezu Kristu, muana wa ku ndelanganyi ya Davide ne ya Abrahame, adi nunku:

Luke 1:55

amu muvuaye mulaye bankambua betu, Abrahame ne ndelanganyi yende kashidi.

Bienzedi 3:25

Nuenu nudi bantu bavua Mvidi Mukulu mulaye kudi bambi. Nudi bantu bavua Mvidi Mukulu mutuile ndondu ne bankambua babu, pavuaye muambile Abrahame ne: “Bisamba bionsu bia pa buloba nebipetele diakalenga ku ndelanganyi yebe.”

Rome 12:5

Momumue kabidi, nansha tuetu bavule, tudi amu tuenza mubidi umue, patudi tudisanga ne Kristu. Tudi tulamakana bonsu pamue bu bidimba bia mubidi umue.

Rome 4:13

Mvidi Mukulu uvua mulaye Abrahame ne ndelanganyi yende ne: nenupete buloba. Kavua mumulaye dilaya edi, bualu Abrahame uvua mukumbaje mikenji nansha, kadi amu bualu Mvidi Mukulu uvua mumubingishe bua ditaba divuaye nadi.

Rome 4:16

Nanku Abrahame uvua mupete dilaya amu bua ditaba, bua dikale dipa didi Mvidi Mukulu upa tshianana. Ke padi dilaya edi ne mushinga mu ndelanganyi yonsu ya Abrahame, kadiyi amu bua badi bakumbaja mikenji, kadi kabidi bua badi bitaba Mvidi Mukulu mushindu uvua Abrahame mumuitabe. Abrahame udi tatu wetu bonsu,

Rome 9:4

Badi bena tshisamba tshia Izrayele. Mvidi Mukulu mmubenze bana bende. mMumueneke munkatshi muabu ne butumbi buende. mMutue nabu ndondu yende, mubapeshe kabidi mikenji yende. Uvua mubaleje muyuabu mua kutendelela. mMubalaye ne malaya.

1 Korente 12:12

Bualu Kristu udi bu mubidi, udi umue, kadi muikale ne bidimba bivule. Kadi bidimba bionsu, nansha biobi bivule, bidi bienza mubidi amu umue.

1 Korente 12:27

Nuenu bonsu nudi mubidi, wa Kristu. Yonsu wa kunudi udi tshidimba tshiawu.

2 Korente 11:22

Badi bena Ebrewu menemene anyi? Meme kabidi! Badi bena Izrayele anyi? Meme kabidi! Badi bantu ba ku ndelanganyi ya Abrahame anyi? Nansha meme!

Ngalate 3:19

Kadi mbele mikenji bua tshinyi? Bavua bayisakidile ku dilaya bua kuleja patoke malu adi Mvidi Mukulu kayi musue. Ivua ne bua kunenga too ne pafika muntu wa ku ndelanganyi ya Abrahame, uvuabu batela mu dilaya adi. Batumibue bavua bafikisha mikenji eyi kudi muntu, bua ayileje bantu bakuabu.

Ngalate 3:8

Mikanda ya tshijila ivua midianze kumanyisha muvua Mvidi Mukulu ne bua kuhingisha bantu ba bisamba bikuabu, anu bua ditaba diabu. Ke mutudi tubalamu Lumu lua Disanka elu luwabu bambile Abrahame ne: “Mvidi Mukulu neele bisamba bionsu bia pa buloba lupemba bualu buebe.”

Efeze 5:32

Miaku eyi idi itumanyisha bualu busokome bupite bunene. Ndi mumone ne: bualu ebu budi butangila Kristu ne Tshisumbu tshia bena ditaba.

Kolose 2:19

Kena ulamata Kristu, udi mutu. Kristu nkayende udi udisha mubidi mujima, ulamakaja manungu ne mijilu biawu, udiundisha mubidi mudi Mvidi Mukulu musue.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.