Ngalate 3:14 - MUKANDA WA MYIDI MUKULU

¹⁴ Kristu uvua muenze nanku, bua Mvidi Mukulu amone mua kuela bantu ba bisamba bikuabu lupemba kudiye, muvuaye mulaye Abrahame; ne bua tupete, bualu bua ditaba dietu, Mueyelu uvua Mvidi Mukulu mulaye.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ bua disanka dia Abalahama dilue kudi bisamba bia bende mu Kilisto Yesu; bua tuetu kuangata mulayi wa Nyuma bua ditabusha.

Ngalate 3:14 ပူးပေါင်းရင်းမြစ်များ

Genese 22:18

Bisamba bionsu bia pa buloba nebipetele diakalenga ku ndelanganyi yebe, bualu witabi mikenji yanyi.

Yeshaya 32:15

Dituku dikuabu, Maweja-Nangila, neatutumine Mueyelu wende. Nenku, madimi avua kaayi akuama bintu, neandamuke malaba mafuke a mitshi. Mitshi ya bimuma neikale bungi bu mitshi ya muitu!

Yeshaya 41:8

Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Yeshaya 52:10

Maweja-Nangila nealeje bukole buende, bua kukumbaja mudimu wende wa tshijila, bena mu matunga onsu bamona. Too ne ku ndekelu wa buloba, nebamone lupandu, ludi Mvidi Mukulu wetu ututuadila.

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

Yirmeya 32:40

Ndi ndaya ne: tshiena musue kubabenga kabidi to. Nanku nentue nabu ndondu wa kashidi. Nenbambuluishe bua bannemeke, bua kabalamuki kabidi kundi.

Yezekiyele 11:19

Nennupeshe bonsu muoyi wa mushindu umue. Nembueje munda muenu lungenyi lupialupia. Nengumushe muoyi unudi nawu mupape bu dibue. Nennupingajile muoyi wa kalolu.

Yezekiyele 39:29

Nenguwuje bena Izrayele ne Mueyelu wanyi. Tshiena mua kubalekela kabidi to. Meme Maweja-Nangila Mvidi Mukulu, ndi njadika nanku.”

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Luke 11:13

Nanku nuenu bantu babi, nudi bamanye mua kupesha bana benu bintu bia nsongu. Mudi Tatu wa mu diulu mua kubenga kupesha bantu Mueyelu wa Tshijila udibu balomba mbishi?

Luke 24:49

Meme mene nennutumine tshivua Tatu wanyi mulaye. Kadi nushale mu tshimenga, too ne panupuekela bukole bua kulu.

Yowanane 7:39

(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).

Bienzedi 2:33

Mpindiewu udi muzanjike ku dia bukole dia Mvidi Mukulu. Kupetaye Mueyelu wa Tshijila uvua Tatu mulaye. Ke yeye kututuminawu: ke binudi numona, numvua kabidi lelu ewu.

Bienzedi 4:12

Kakuena lupandu kudi munga muntu to. Bualu panu ponsu Mvidi Mukulu kena mupe bantu dina dikuabu didi mua kutusungila.

Bienzedi 5:32

Tuetu ne Mueyelu wa Tshijila, udi Mvidi Mukulu mupe badi bamuitaba, tudi bajadiki ba malu aa.

1 Korente 12:13

Buonsu buetu, bena Yuda nansha bantu ba bisamba bikuabu, bapika nansha bantu badi benza malu mudibu basue, bavua batutue mu mayi, bua tuetu kuenza mubidi umue ku bukole bua Mueyelu wa Tshijila. Mbatuwuje kabidi bonsu ne Mueyelu umuepele ewu.

2 Korente 1:22

ututua tshitampi tshiende bua kuleja ne: tudi bende, utupa kabidi Mueyelu wa Tshijila bu tshieya tshia bionsu bidiye utulamina.

Ngalate 3:16

Kadi Mvidi Mukulu mene mmulaye Abrahame, mulaye kabidi muntu wa ku ndelanganyi yende. Mikanda ya tshijila kayena yamba ne: “mmulaye ndelanganyi yende,” bu idi itela bantu bavule. Idi yambane: “mmulaye muntu wa ku ndelanganyi yebe.” Nanku idi itela amu muntu umue, ke Kristu.

Ngalate 3:2

Ndi musue kunuela lukonku amu lumue: nuvua bapete Mueyelu wa Mvidi Mukulu bua tshinyi? Bualu nuvua bakumbaje mikenji, anyi bualu nuvua bumvue Lumu lua Disanka, baluitabe?

Ngalate 4:6

Bua kuleja munudi bana bende menemene, Mvidi Mukulu kutuma Mueyelu wa Muanende mu mioyi yetu. Mueyelu awu udi wela diyi ne: “Abba! Tatu wanyi!”

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Efeze 2:22

Badisange nende, nudi penu bidibu bibaka nabi nzubu, bua, pamue ne bantu bakuabu bonsu, nuenze nzubu umue, muaba udi Mvidi Mukulu usomba mu Mueyelu wende.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Efeze 4:30

Kanubungamiji Mueyelu wa Tshijila wa Mvidi Mukulu. Mueyelu udi tshitampi tshia Mvidi Mukulu, tshidi tshileja munudi bantu bende. Mueyelu udi ujadika kabidi ne: dituku nedifike didi Mvidi Mukulu unupikula kashidi ku bubi buonsu.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.