Ngalate 2:5 - MUKANDA WA MYIDI MUKULU

⁵ Kadi tuetu, katuena bitabe nansha kakese bivua bantu aba balombe, bua numone mua kuitaba Lumu lua Disanka pa lolu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi katuakabakokela nasha tshituha tshimue tshia diba; bualu bua bushua bua lumu luimpe buikale nʼenu.

Ngalate 2:5 ပူးပေါင်းရင်းမြစ်များ

Nehemya 6:4

Nanku, Sanebalate ne Ngesheme bavua bambikila misangu inayi, bua kumonangana nabu. Meme kubandamuna anu mushindu umue, mbenga mua kumonangana nabu.

Bienzedi 15:2

Kadi Polu ne Barnabase kubenga bivuabu balongesha abi, kuelangana nabu mpata bikole pa bualu abu. Ke bena ditaba kushindika ne: tutume Polu ne Barnabase, ne bantu bakuabu ba mu Antiyokiya, ku Yerushalayime, kudi bapostolu ne bakulu, bua batangile tshilumbu etshi.

Ngalate 1:6

Nudi bankemeshe bikole! Mvidi Mukulu, uvua munubikile ku luse lua Kristu, nuenu kumushiya lukasa nanku, kulonda Lumu lua Disanka lukuabu!

Ngalate 2:14

Pamvua mumone mu wabu benza malu mabi, adi abengangana ne Lumu lua Disanka, meme kubela Petro kumpala kua bantu bonsu, kunuambila ne: “Wewe, muena Yuda, uvua usomba munemu amu bu bantu ba bisamba bikuabu, kuyi ulonda mikenji ya bena Yuda. Kadi mmunyi muudi musue mpindiewu, bua bantu ba bisamba bikuabu balonde bibidilu bia bena Yuda?”

Ngalate 4:16

Lelu nkadi muena lukuna wenu, bualu ndi muambila malu amu mudiwu anyi?

Efeze 1:13

Nuenu kabidi diba dinuvua bumvue muaku mulelela, Lumu lua Disanka ludi lunupetesha lupandu, nuvua bitabe Kristu. Diba adi Mvidi Mukulu uvua munupe Mueyelu wende uvuaye mulaye, munutue tshitampi tshiende, bua kunuleja munudi bantu bende menemene.

Kolose 1:5

Pavua Lumu lua Disanka, ludi lunuambila malu malelela, lufike kuenu musangu wa kumpala, batua banumanyishe ditekemena didilu lunupetesha. Nenku ditaba ne dinanga binudi nabi, bidi bishindamene pa binudi nutekemena, bidibu banulamine mu diulu.

1 Tesalonike 2:13

Tudi tuela amu kuela Mvidi Mukulu tuasakidila kabidi, bualu patuvua tunumanyisha muaku wa Mvidi Mukulu, nuvua bauteleje, bawitabe, kanuyi bautangile bu muaku wa muntu, kadi amu bu muaku wa Mvidi Mukulu. Bushuwa muaku awu uvua uleja muvuawu wa Mvidi Mukulu menemene, bualu uvua ukuata mudimu munda muenu nuenu badi bitaba.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.