Ngalate 2:4 - MUKANDA WA MYIDI MUKULU

⁴ Bushuwa bena ditaba bakuabu, bena mpala ibidi, bavua babuelakane netu, bavua basue kumutekesha panshi. Bantu aba mbabuele mu Tshisumbu tshietu bua kututentekela, kumona mutudi tudienzela bitudi basue, bualu tudi tuitaba Yezu Kristu. Nanku bavua basue kutupingaja mu bupika.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi bualu bua bakuabo bakadivuisha bu bana betu, bakadibuesha munkatshi muetu mu musokoko bua kutentekela budishikaminyi butudi nʼabu mu Kilisto Yesu; bakasua kutuvuisha bahika.

Ngalate 2:4 ပူးပေါင်းရင်းမြစ်များ

Misambu 119:45

Ndi musue kusomba panu bimpe, bualu ndi nditatshisha bua kulama mikenji yebe.

Misambu 51:12

Mvidi Mukulu wanyi, fila muoyi mutoke munda muanyi. Umpeshe lungenyi lupialupia, ulushindike.

Yeshaya 51:23

Nendinuishe bavua banukengeshe, bavua banuamba ne: ‘Lalayi panshi, tunudiate.’ Nuvua ne bua kufila nyima yenu, kudi bantu aba bavua bendelapu, bu badi bapitshila mu njila.”

Luke 5:38

Kadi mbimpe kuela nwinyo mupiamupia mu milondu ya biseba bipiabipia.

Bienzedi 15:1

Bamue bantu batumina ku Yudeya, kufikabu mu Antiyokiya. Bavua balongesha bena ditaba ne: “Kabayi banuteka panshi, mudi mikenji ya Moshe miambe, kanuena mua kupanda to.”

Bienzedi 15:24

Tudi bumvue ne: bantu bakuabu ba kuetu kunu mbavue kunulubakaja, kunupampakaja kabidi, ne malongesha abu. Kadi katuena babatume ne mukenji nansha.

Bienzedi 20:30

Munkatshi muenu kabidi nemujuke bantu bakula malu a dishima, bua kukoka bena ditaba bua babalonde.

Rome 8:15

bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

2 Korente 11:13

Bantu abu mbapostolu ba dishima, badi badinga bantu, ba-disokoka badileja bu bapostolu ba Kristu.

2 Korente 11:17

Bushuwa bindi ngamba mpindiewu, ki mbidi Mfumu musue bua meme kuamba nansha. Pandi ne bua kuditemba nanku, ndi ngakula amu bu muntu mupale.

2 Korente 11:20

Nudi nuanyisha bua banutumine diyi, mudibu batumina bapika, bua banunyenge bintu bienu, banudinge, banupetule, banukume minu mu mpala.

2 Korente 11:26

Mu ngendu yanyi kayiyi kubala, mvua mupete njiwu mu misulu, pavua mayi mapasalale. Mvua mupete njiwu kudi banyenganganyi ba bintu, kudi bana hetu bena Yuda, ne kudi bantu ba bisamba bikuabu. Mvua mu njiwu mu bimenga ne mu bipela, pa mayi manene kabidi. Mvua muyipete ne kudi bana hetu ba dishima.

2 Korente 3:17

Kadi Maweja-Nangila utudi tutela muaba ewu, ke Mfumu udi ukuata mudimu ku bukole bua Mueyelu wende. Muaba udi Mueyelu wa Mfumu, ke muaba utudi tuenza mutudi basue.

Ngalate 1:7

Bushuwa, kakuena Lumu lua Disanka lukuabu nansha! Kudi amu bantu bakuabu badi banudinga, basue kushintulula Lumu lua Disanka lua Kristu.

Ngalate 4:25

Agare udi uleja mukuna wa Sinayi udi tshipeta tshia Arabiya, uleja kabidi lelu tshimenga tshia Yerushalayime, tshidi mu bupika pamue ne bonsu badi basombamu.

Ngalate 4:3

Ke mutuvua bapika ba makole a mulu, bualu tutshivua bana.

Ngalate 5:1

Kristu uvua mutupikule bua tuetu kudisunguila tshitudi basue. Nanku shindamenayi momu. Kanupinganyi mu bupika.

Ngalate 5:10

Kadi bu mutudi badisange nenu mu Kristu, ndi amu mumanye ne: nudi ne meji a momumue ne anyi. Kadi muntu udi unupambula, ne nganyi ne nganyi, Mvidi Mukulu neamunyoke.

2 Timote 3:6

Bamue ba kudibu badi babuela mu nzubu ya bende, batekesha bakaji bena bitabataba, badi banyingalala bua mibi ivuabu benze kale, batua eku ne eku ne majinga a mishindu yonsu.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

1 Petro 2:16

Nuikale ne nsombelu wa bantu badi benza mudibu basue. Kadi panudi nuenza munudi basue, kanuambi ne: tudi mua kuenza kabidi malu mabi mu musokoku. Nuenze amu malu adi bantu ba Mvidi Mukulu mua kuenza.

2 Petro 2:19

Badi balaya bantu ne: nenudienzele malu munudi basue. Kadi bobu mene batshidi mu bupika bua bibidilu bidi mua kubafikisha ku lufu. Bualu muntu yonsu udi mupika wa tshidi tshimukokesha.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

Yuda 1:4

Bualu, bamue bantu babi mbabuele mu musokoku munkatshi muetu. Badi bakudimuna dilongesha didi ditangila dinanga dia Mvidi Mukulu, bua kudibingisha nadi ku buenzavi buabu. Ke padibu babenga Yezu Kristu, Mukalenga ne Mfumu wetu umuepele. Kukadi matuku a bungi, Mikanda ya tshijila mmimane kujadika dinyoka didibu ne bua kunyoka bantu abu.