Ngalate 2:20 - MUKANDA WA MYIDI MUKULU

²⁰ Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nakashihibua ku mutshi mutshiamakane ne Kilisto; nunku kememe kabidi udi ne muoyo, kadi Kilisto ngudi muoyo munda muanyi; ne muoyo undi nʼau mu mubidi katataka ndi nʼau mu ditabusha dia mu Muana wa Nzambi, wakannanga, wakadifila bua bualu buanyi.

Ngalate 2:20 ပူးပေါင်းရင်းမြစ်များ

Musambu wa Solomo 7:10

Miaku idi ipatuka mukana muebe, idi inkuata mudi mvinyo muimpe ukuatangana! Eyowa, mvinyo muimpe udi upueka buludi kudi munanga wanyi, ubuela mu mishiku yetu nansha tuetu balale tulu.

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Matayi 4:3

Diabolu kusemena kudiye, umuambila ne: — Pawikala Muana wa Mvidi Mukulu, ambile mabue aa andamuke mampa.

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 10:11

Ndi mulami muimpe wa mikoku. Mulami muimpe wa mikoku udi ufuila mikoku yende.

Yowanane 15:13

Dinanga dipite bunene didi muntu mua kuleja ndia kufila muoyi wende bua balunda bende.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Yowanane 3:35

Tatu mmunange Muana; mmuteke bionsu ku bumfumu buende.

Yowanane 6:57

Tatu uvua muntume udi ne muoyi, meme kabidi ndi ne muoyi kudiye. Momumue kabidi udi undia neapetele muoyi kundi.

Yowanane 6:69

Mpindiewu tudi tuitaba, tumanya ne: wewe ke wa Tshijila udi mufume kudi Mvidi Mukulu.

Bienzedi 8:36

Baya too, kufikabu muaba uvua mayi. Muena Kushe kuambila Filipe ne: — Ke mayi aa. Tshidi tshikandika bua kuntuamu ntshinyi? [

Bienzedi 9:20

Diakamue kutuadijaye kulongesha mu nzubu ya kutendelela, ujadika ne: Yezu udi Muana wa Mvidi Mukulu.

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

Rome 14:7

Bualu kakuena muntu wa kutudi nansha umue udi ne muoyi amu bualu buende yeye nkayende. Kakuena udi ufua buende yeye nkayende. Patudi ne muoyi, tudi ne muoyi bua Mfumu.

Rome 3:22

Mvidi Mukulu udi ubingisha bantu kumpala kuende amu bua ditaba diabu mu Yezu Kristu. Bonsu badi bitaba Yezu Kristu, udi ubenzela nanku, bualu bonsu badi mushindu umue.

Rome 4:25

Bayua bamufundile tshibawu tshia lufu bua mibi yetu. Bavua bamupingajile muoyi bua kutubingisha ku mesu kua Mvidi Mukulu.

Rome 5:2

Amu kudi Yezu, bualu bua ditaba, ke kumvua mua kusemena ku dinanga dia Mvidi Mukulu, kutudi bashindamene mpindiewu. Tshidi tshitusankisha, ke ditekemena ditudi nadi dia kudisanga ne Mvidi Mukulu mu butumbi buende.

Rome 5:6

Bualu patutshivua katuyi ne bukole, Kristu wakafuila bantu babi tshikondu tshivua Mvidi Mukulu musungule.

Rome 5:8

Kadi Kristu wakatufuila tuetu batshikale benji ba malu mabi. Ke muvua Mvidi Mukulu mutuleje mudiye utunanga bikole.

Rome 6:13

Kanufidi kabidi bidimba bishilangane bia mubidi wenu ku malu mabi, bu biamu bia mudimu bia kuenza nabi bidi Mvidi Mukulu ubenga. Kadi nudifile kudi Mvidi Mukulu, bu bantu bavua babike ku lufu, bapete muoyi. Nudifile muenu muonsu bua kumuenzela mudimu. Bidimba bienu bikale biamu bia mudimu bia kuenza nabi bidi Mvidi Mukulu musue.

Rome 6:8

Patudi bafue pamue ne Kristu, tudi tuitaba ne: netubike kabidi pamue nende.

Rome 8:10

Padi Kristu munda muenu, nanku, nansha mubidi wenu mufundila lufu, bualu uvua wenza malu mabi, kadi Mueyelu udi uufulula munda muenu. Bualu Mvidi Mukulu uvua munubingishe kumpala kuende.

Rome 8:37

Kadi bionsu abi tudi mua kubitshimuna kashidi ku bukole bua uvua mutuleje mudiye utunanga.

1 Korente 6:17

Kadi udi udisanga ne Mfumu, udi wenza nende tshintu tshimue mu Mueyelu wende.

2 Korente 1:24

Katuena basue kunufundila tshinudi ne bua kuitaba, bualu nukadi bashindame mu ditaba. Kadi tudi tujinga kukuata nenu mudimu, bua nupete diakalenga.

2 Korente 10:3

Bushuwa, tudi amu bantu. Kadi katuena baluangana ne bia mvita bia bantu.

2 Korente 11:10

Mu dina dia bulelela bua Kristu budi munda muanyi, ndi mujadike ne: muntu nansha umue mu ditunga dijima dia Akaya, kena mua kunnyenga lumu luanyi elu.

2 Korente 13:3

Nudi basue kujadika mudi Kristu wakuila mukana muanyi. Nanku nenujadike bualu ebu diba adi. Kristu kakunuteketela to. Kadi nealeje bukole buende munkatshi muenu.

2 Korente 13:5

Dikonkayi! Nutshidi bena ditaba anyi? Ditetayi! Kristu utshidi munkatshi muenu anyi? Panudi kanuyi bamone nanku, nukadi bamuvile.

2 Korente 5:14

Bualu dinanga didi Kristu mutuleje didi ditulombola mu bionsu bitudi tuenza. Bualu tudi bajadike ne: bu mudi umue mufuile bantu bonsu, tuetu bonsu tudi bafue pamue nende.

2 Korente 5:15

Uvua mufuile bantu bonsu, bua bantu batshidi ne muoyi kabakebi kabidi bidi bibalengelela bobu, kadi bakebe bidi bilengelela udi mubafuile, udi Mvidi Mukulu mubishe ku lufu.

2 Korente 5:7

Bualu ditshidi mu tshikondu tshia kuitaba, katuyi banji kumona.

Ngalate 1:4

Kristu mmudifile bua kutusungidila ku mibi yetu, kutupikula ku tshikondu tshibi tshia lelu etshi. Ke muvuaye mukumbaje bivua Mvidi Mukulu Tatu wetu musue.

Ngalate 2:16

Kadi tudi bamanye ne: Mvidi Mukulu udi ubingisha muntu, amu bua padiye witaba Yezu Kristu, ki mbua padiye ulonda mikenji ya Moshe nansha. Ke patuvua bitabe Yezu Kristu, tuetu kabidi bena Yuda, bua Mvidi Mukulu atubingishe bualu bua ditaba dietu mu Kristu, ki mbua patuvua bakumbaje mikenji. Bualu Mvidi Mukulu kakubingisha muntu nansha umue, bua padiye ukumbaja mikenji.

Ngalate 3:11

Mikanda ya tshijila idi ilongesha patoke mudi Mvidi Mukulu kayi mua kuhingisha muntu, bualu udi ukumbaja mikenji, bualu idi yamba ne: “Amu muntu udi Mvidi Mukulu ubingisha bua ditaba diende, neikale ne muoyi.”

Ngalate 5:24

Bantu ba Yezu Kristu mbashipe buntu buabu, babupopele pa mutshi mutshiamakane, pamue ne nkuka, ne majinga mabi abu.

Ngalate 6:14

Kadi meme tshiena musue kuditambishila ku tshintu tshikuabu, anu ku mutshi mutshiamakane wa Mfumu wetu Yezu Kristu. Bu mudibu bapopele Kristu pa mutshi mutshiamakane, bia panu bionsu mbifue bualu buanyi. Meme kabidi ndi mufue bua bia panu.

Efeze 3:17

Ndi mmulomba kabidi bua Kristu ikale mu mioyi yenu ku ditaba, bua nuase miji mu dinanga, nushindamemu.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Efeze 5:25

Balume, nangayi bakaji benu, muvua Kristu munange Tshisumbu tshia bena ditaba, mudifile bualu buatshi.

Filipe 1:21

Kadi muoyi mene ntshinyi? Buanyi meme, muoyi, ke Kristu! Nanku lufu nelumpeteshe muoyi mupite.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

1 Tesalonike 5:10

Kristu mmutufuile bua tuikale ne muoyi pamue nende, nansha tuetu ne muoyi, nansha tuetu bamane kufua diapinganaye.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 8:3

Mutuangaji munene yonsu mmuteka bua kulambula malambi ne milambu. Nanku bidi bimpe bua mutuangaji wetu munene kabidi ikale ne tshintu tshia kulambula.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

1 Yone 4:14

Tuvua bamone, ke patudi tujadika ne: Tatu uvua mufume Muanende, bua kuikalaye Musungidi wa bantu.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.