Ngalate 1:16 - MUKANDA WA MYIDI MUKULU

¹⁶ Diba divuaye musue kutumanyisha Muanende, bua meme kumanyisha bantu ba bisamba bikuabu Lumu luende lua Disanka, tshivua muye kulomba meji kudi muntu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ kubulula Muana wandi munda muanyi bua meme kuambila ba mu bisamba bia bende lumu luimpe luandi; tshikondo atshi tshiakahunga dî ne bantu.

Ngalate 1:16 ပူးပေါင်းရင်းမြစ်များ

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Matayi 26:41

Tabalayi. Tendelelayi, bua kanubuedi mu mateyi. Muoyi wa kuenza bimpe nudi nawu, kadi bukole bua kubikumbaja, kanuena nabu.

Bienzedi 22:21

Kadi Mfumu kungambila amu ne: “Uye! Bualu ndi nkutuma kule, kudi bantu ba bisamba bikuabu.”

Bienzedi 5:42

Ku dituku ku dituku, bavua amu balongesha, bamanyisha bantu Lumu lua Disanka lua Yezu Kristu, mu nzubu wa Mvidi Mukulu ne ku nzubu ya bantu.

Bienzedi 9:15

Ke Mfumu kumuandamuna ne: — Uye. Bualu muntu awu ke tshiamu tshia mudimu tshindi musungule, bua kumanyishaye bisamba bikuabu, bakalenga ba matunga, ne bena Izrayele, dina dianyi.

Bienzedi 9:20

Diakamue kutuadijaye kulongesha mu nzubu ya kutendelela, ujadika ne: Yezu udi Muana wa Mvidi Mukulu.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Rome 11:13

Mpindiewu ndi nnuambila nuenu bantu ba bisamba bikuabu ne: ndi mupostolu udibu bafundile mudimu wa kulongesha bantu badi kabayi bena Yuda. Ndi nsanka bua mudimu wanyi ewu.

1 Korente 15:50

Bana hetu, ndi njadika ne: bantu badi ne mubidi wa buntu, kabena mua kubuela mu bukalenga bua Mvidi Mukulu. Bidi bibola kabiena mua kupeta bidi bishala kashidi.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

2 Korente 5:16

Nenku kutuadija ku lelu, katutshiena tulumbuluisha mudi bantu balumbuluisha muntu nabu. Ku kale tuvua balumbuluishe Kristu mushindu awu. Kadi mpindiewu katuena tuenza kabidi nanku to.

Ngalate 2:1

Kupita bidimi dikumi ne binayi, tuvua bapingane ne Bamabase ku Yerushalayime. Meme kuangata kabidi Tite, bua aye netu.

Efeze 3:1

Ke pandi meme Polu ntendelela Mvidi Mukulu bualu buenu. mBankuate mu lukanu, bualu ndi nkuatshila Yezu Kristu mudimu. Makenga onsu aa ndi ngumvua bualu buenu.

Efeze 6:12

Bualu katuena tuluangana mvita ne bantu, kadi amu ne makole mabi a mulu adi kaayi amueneka, kabidi ne mamfumu makuabu mashilangane, adi alama buloba mu midima.

Dielulula 33:9

Bena levi mbakunange wewe Maweja-Nangila, bipite mudibu bananga baledi babu, bena meku abu, nansha bana babu badibu balele. Ke muvuabu bakumbaje mikenji yebe, banemeke nanku ndondu webe.

1 Tesalonike 2:16

Bualu badi benza muabu muonsu, bua katumanyishi bantu ba bisamba bikuabu mudibu mua kupanda. Ke mudibu buwuje bungi bua malu mabi, avuabu benze mu bikondu bionsu. Kadi mpindiewu tshiji tshia Mvidi Mukulu tshikadi pambidi pabu.

1 Timote 2:7

Ke padibu bantume bu mupostolu ne mulongeshi, bua kufikisha bena bisamba bikuabu ku ditaba ne ku bulelela. Tshiena nshima to. Ndi ngamba malu mudiwu.

2 Timote 1:11

Mvidi Mukulu mmumpeshe mudimu wa bupostolu, bua kumanyisha ne kulongesha bantu Lumu lua Disanka elu.

Ebrewu 2:14

Padi bana aba, mudiye ubabikila, ne mubidi ne mashi, Yezu mene uvua mudienze bu bobu, mudisange nabu mu buntu buabu. Uvua muenze nenku bua ku lufu luende, amone mua kubutula diabolu, uvua ne bumfumu bua kushipa bantu.