Ngalate 1:14 - MUKANDA WA MYIDI MUKULU

¹⁴ Mvua mukumbaje bimpe bitambe malu a ditaba dia bena Yuda, mupite bena mulongu wanyi bavule. Mvua musuminyine bibidilu bia bankambua, kakuyi wa kufuanangana nanyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ ne bu munakadi mpita ku mpala kua bena mulongo wanyi ba bungi ba mu tshisamba tshietu mu bualu bua Bena Yuda bualu bua lukunukunu lukole lunakadi nʼalu bua bilele bia bankambua betu.

Ngalate 1:14 ပူးပေါင်းရင်းမြစ်များ

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Yeshaya 57:12

Kadi meme nensokoluele bantu bubi bua bionsu biudi muenze. Mvidie yebe ayi kayakukupetesha kantu nansha kamue.

Yirmeya 15:2

Pikalabu bakukonka ne: “Netuye penyi” wandamune ne: Maweja-Nangila udi wamba ne: Muntu yonsu neaye muaba udibu bamufundile. Udibu bafundile disama dia tshiambu neadipete. Udibu bafundile kufua mu mvita, neafuilemu. Udi ne bua kufua ku tshiyole tshia nzala, neafue. Udibu ne bua kuya nende mu bupika, nebaye nende!

Yirmeya 9:14

Nanku, meme Maweja-Nangila wa bukole buonsu Mvidi Mukulu wa bena Izrayele ndi ngamba ne: Nendishe bantu aba biakudia bia bululu, nembanuishe mayi mabi adi ne lulengu.

Lewitiki 13:16

Padi mputa awu utokoloka tshiakabidi, muntu neaye kudileja kudi mutuangaji.

Matayi 15:6

muntu awu kena ne tshilumbu tshia kuambuluisha kabidi tatuende to.” Ke munudi nunyanga muaku wa Mvidi Mukulu, bua kukumbaja bibidilu bienu.

Bienzedi 21:20

Bamane kumvua bionsu abi, kutumbishabu Mvidi Mukulu. Pashishe kuambilabu Polu ne: — Muanetu, udi mumone mukadi bena Yuda bitaba Yezu binunu ne binunu. Kadi buonsu buabu batshidi amu bakumbaje bimpe mikenji ya Moshe.

Bienzedi 22:3

— Ndi muena Yuda. mBandele mu Tarse wa mu Silisiya. Kadi ndi mukolele mu Yerushalayime emu. Ngamaliyele, ke uvua mundongeshe bimpe bitambe mikenji ya bankambua betu. Mvua mukuatshile Mvidi Mukulu mudimu ne disuminyina, amu munudi nuenu bonsu benza lelu.

Bienzedi 26:5

Nanku badi bammanye kale. Bu bobu basue, badi mua kujadika ne: ndi Muparushe, muena tshisumbu tshia bantu badi bakumbaja bimpe bitambe malu a ditaba dietu.

Bienzedi 26:9

Meme kabidi mvua muele meji ne: ndi ne bua kuenza muanyi muonsu bua kuluisha Yezu wa mu Nazarete.

Kolose 2:8

Dimukayi bua muntu kanushimi ne malongesha a patupu a mu meji a bantu. Ke meji adi mafume ku malu adi bantu balongeshangana, ne kudi makole a mulu. Kadi kaena mafume kudi Kristu to.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.