Nehemya 9:27 - MUKANDA WA MYIDI MUKULU

²⁷ Nanku, wewe kubafila mu bianza bia baluishi babu, bavua babakengesha bikole. Kadi pavuabu mu dikenga dinene, bobu kukubikila. Wewe mu diulu, kubateleja. Bu mudi dinanga diebe kadiyi ndekelu, Wewe kutuma bilobu, bua kubasungidila kudi baluishi babu.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nunku wewe wakabafila mu bianza bia bena lukuna babo, bakabakengesha; mu tshikondo tshia dikenga diabo hakadilabo kûdi, wewe wakabunvuila mu diulu; bu mudi bunene bua luse luebe wewe wakabaha basungidi bakabasungila mu bianza bia bena lukuna babo.

Nehemya 9:27 ပူးပေါင်းရင်းမြစ်များ

2 Bakalenga 13:5

kutuminaye bena Izrayele muntu uvua mua kubasungidila mu bianza bia bena Siriya. Biangatshile tshikondu atshi, bena Izrayele kusomba ne ditalala, bu muvuabu basombe bangabanga.

2 Bakalenga 14:27

Kadi, bu muvua Maweja-Nangila kayi musue kubutula bena Izrayele, kubatuminaye Yerobowame, muana wa Yowashe, bua kubasungidila.

2 Bakalenga 17:20

Nanku, Maweja-Nangila kubenga bena Izrayele bonsu, kubafila mu bianza bia bakengeshanganyi bua kubafuisha bundu. Pashishe kubipataye, kubatuma kule.

2 Bakalenga 17:39

Anu meme Maweja-Nangila Mvidi Mukulu wenu ke unudi mua kutendelela. Bualu anu meme nkayanyi ke udi mua kunusungidila mu bianza bia baluishi benu bonsu.”

2 Kulondolola 36:17

Maweja-Nangila kutuma mukalenga wa Babilone bua kukuata ditunga. Bantu bonsu kushala ku bumfumu bua mukalenga awu. Mukalenga awu kushipa bena mvita bonsu too ne bavua muaba wa tshijila. Kavua mushiye muntu nansha umue ne muoyi! Bansongalume, bansongakaji, bantu bakole ne bakulakaje, kufuabu bonsu.

Nehemya 9:19

Kadi nansha diba adi, bu mudi dinanga diebe kadiyi ndekelu, kuena mubalekele nkayabu mu tshipela. Kuvua mumushe divuba dia muinshi, divua dibaleja njila mu munya; nansha dikunji dia kapia, divua dibaleja njila butuku.

Misambu 136:24

kutusungidilaye kudi bena lukuna betu, bualu dinanga diende ndia kashidi.

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Obadya 1:21

Bobu bamane kutshimuna, nebabande pa mukuna wa Siyone, bua kuikalabu bamfumu ba bena Edome. Ke mudi Maweja-Nangila ujadika bumfumu buende nanku.

Balombodi 2:18

Misangu yonsu ivua Maweja-Nangila utumina bena Izrayele mulombodi, Maweja-Nangila nkayende uvua ku luseke lua mulombodi awu. Nanku Maweja-Nangila ke uvua usungidila bena Izrayele mu bianza bia baluishi, matuku onsu avua mulombodi awu ne muoyi. Maweja-Nangila uvua ufuila bena Izrayele luse, pavua-bu badila, banyingalala bua mushindu uvuabu babakengesha kudi baluishi babu.