Nehemya 8:8 - MUKANDA WA MYIDI MUKULU

⁸ Bavua babala bashindumuna mukanda wa mikenji ya Mvidi Mukulu. Bavua bumvuija mikenji, bayijingulula bua muntu yonsu umvue tshiyuabu babale.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakadi babala mu mukanda, mu mikenji ya Nzambi, bakajingulula biakane; bakayijinguluila bantu kabidi, nunku buonso buabo bakunvua biakane.

Nehemya 8:8 ပူးပေါင်းရင်းမြစ်များ

2 Bakalenga 23:2

Kuyabu bonsu mu nzubu wa Maweja-Nangila. Bavua baye ne bantu bonsu ba mu Yerushalayime ne ba mu ditunga dia Yuda: batuangaji, bambi, ne bantu bakuabu bonsu. Mukalenga Yoshiya kubabadila bonsu mukanda wa ndondu uvuabu bangula mu nzubu wa Mvidi Mukulu.

Ezela 4:18

“Mukanda unuvua bantumine, bavua bawandamuna mu muakulu wetu, kuumbadilabu.

Nehemya 8:12

Pashishe, bantu bonsu kupingana kuabu bua kudia ne bua kunua. Bavua babanyangana ne bavua kabayi ne tshia kudia, basanka bikole. Bualu bavua bumvua bimpe malu onsu avuabu babambile.

Nehemya 8:7

Kubandulukabu, bualu bavua batuadija kubalongesha kudi bena Levi aba: Yeshuwa, Bani, Sherebiya, Yamine, Akube, Shabetayi, Odya, Masheya, Kelita, Azariya, Yozabade, Anane ne Palaya.

Nehemya 8:9

Bantu bonsu kudila muadi pa kumvua mikenji eyi. Nanku Nehemya mulombodi wa buloba abu, Ezra, mutuangaji mumanyi mupiluke wa mikenji, ne bena Levi bavua bumvuija mikenji, bavua babambila ne: — Lelu ndituku dia tshijila dia Maweja-Nangila Mvidi Mukulu wenu. Kanuena mua kubungama, nansha kudila to.

Nehemya 9:3

Pashishe, kuimanabu kulu meba asatu, bateleja dibala dia mukanda wa mikenji ya Maweja-Nangila Mvidi Mukulu wabu. Pashishe kuinyikabu mpala panshi meba asatu makuabu kumpala kua Maweja-Nangila Mvidi Mukulu, bua kulomba luse.

Yezekiyele 46:10

Mukalenga udi mua kubuela ne bantu, kupatuka kabidi nabu musangu umue.”

Abakuke 2:2

Maweja-Nangila kungandamuna nanku: Funda bindi nkumanyisha, ubifunde bimpe pa mabaya, bua bonsu babibale, kakuyi lutatu.

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Luke 24:32

Balongi kuambilanganabu ne: — Pavua Yezu utuambila malu mu njila, utumtuija Mikanda ya tshijila, katuvua bumvua bu kapia kosha munda muetu anyi?

Luke 24:45

Ke Yezu kubambuluisha bua bajingulule Mikanda ya tshijila.

Bienzedi 28:23

Dituku divuabu bumvuangana ne Polu, bantu bapite bungi kufika muaba uvuaye ulala. Polu kubalongesha ku dinda too ne ku dilolu, kubumvuija bimpe malu a Bukalenga bua Mvidi Mukulu. Uvua utela miaku ya mu Mikenji ya Moshe, ne ya mu mikanda ya Bambi, ukeba amu bua bitabe Yezu.