Nehemya 8:7 - MUKANDA WA MYIDI MUKULU

⁷ Kubandulukabu, bualu bavua batuadija kubalongesha kudi bena Levi aba: Yeshuwa, Bani, Sherebiya, Yamine, Akube, Shabetayi, Odya, Masheya, Kelita, Azariya, Yozabade, Anane ne Palaya.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeshua ne Bani ne Shelebaya ne Yamina ne Akuba ne Shabetai ne Hodaya ne Mâseya ne Kelita ne Azaya ne Yozabada ne Hanana ne Pelaya ne Bena Lewi bakajingulula bantu mikenji; bantu bonso bakimana mu muaba wabo.

Nehemya 8:7 ပူးပေါင်းရင်းမြစ်များ

1 Bakalenga 8:14

Bena Izrayele bonsu bamane kudisangisha, kuimanabu kulu. Mukalenga Shelomu kubatangila, kubela muoyi.

2 Kulondolola 30:22

Izkiya kukolesha bena Levi ku muoyi, bualu bavua bakuatshila Maweja-Nangila mudimu muabu muonsu. Lumingu lujima bantu bavua badia pamue biakudia bia tshibilu, balambula milambu ya bobumue, batumbisha Maweja-Nangila, Mvidi Mukulu wa bankambua babu.

2 Kulondolola 35:3

Bena Levi bavuabu bajidile bua benzele Maweja-Nangila mudimu ne bua balongeshe bantu, Yoshiya kubambila ne: — Nuteke mushete wa tshijila wa Maweja-Nangila mu nzubu wa Mvidi Mukulu, uvuabu base kudi Shelomu, muana wa Davide, mukalenga wa bena Izrayele. Kanuena mua kuambula kabidi mushete ewu pa makaya enu to. Mpindiewu nuenzele Maweja-Nangila Mvidi Mukulu wenu ne bantu bende bena Izrayele mudimu.

Ezela 8:18

Bu muvua Mvidi Mukulu wetu mutalame, kutapeshabu Sherebiya muntu wa lubatshi wa mu diku dia Mali, wa ku ndelanganyi ya Levi, muana wa Yakobe. Sherebiya uvua ne bana bende ba balume, ne bana babu. Bonsu pamue bavua bantu 18.

Nehemya 10:2

Bavua bafunde mena abu mbobu aba: — Nehemya, muana wa Akalya, mulo mbodi wa ditunga. — Batuangaji bavua: Sedekiya,

Nehemya 11:16

Muvua kabidi Shabetayi ne Yozabade, bamfumu ba bena Levi, bavua ne midimu ya ku lupangu lua pambelu lua nzubu wa Mvidi Mukulu.

Nehemya 11:19

Balami ba biibi bavua 172: ke Akube, Talmone, ne bantu ba mu tshiota tshiabu.

Nehemya 12:33

Bavua babalonda kabidi kudi Azariya, Ezra, Meshulame,

Nehemya 3:17

Bena Levi bavua benza mudimu tshitupa tshikuabu tshia tshimana, ke Rekume, muana wa Bani; Ashabiya, mulombodi wa tshia bibidi tshimue tshia buloba bua Keyila, mu dina dia bena kuabu;

Nehemya 3:19

Ezere, muana wa Yeshuwa, uvua mulombodi wa Mispa. Yeye ke uvua nuibakulule tshitupa tshia tshimana tshivua tshilulamangane ne njila uvua ubanda ku nzubu uvua ne bintu bia mvita, muaba uvua tshimana tshialabale.

Nehemya 3:23

Binyamine ne Ashube bavua bibakulule tshitupa tshia tshimana tshivua tshilulamangane ne nzubu yabu. Kadi Azariya, muana wa Masheya, ne muikulu wa Ananya, uvua wenza mudimu pabuipi ne nzubu wende.

Nehemya 8:12

Pashishe, bantu bonsu kupingana kuabu bua kudia ne bua kunua. Bavua babanyangana ne bavua kabayi ne tshia kudia, basanka bikole. Bualu bavua bumvua bimpe malu onsu avuabu babambile.

Nehemya 8:4

Ezra uvua muimane kulu pa mabaya avuabu balongolole anu bua bualu abu. Ku diboku diende dia bukole kuvua: Matitya, Shema, Anaya, Uriya, Ilkiya ne Masheya. Ku diboku diende dia bakaji kuvua Pedaya, Mishayele, Malkiya, Ashume, Ashebadana, Zekarya ne Meshulame.

Nehemya 8:6

Ezra kuela Maweja-Nangila, Mvidi Mukulu munene, tuasakidila. Bantu bonsu kuela bianza mulu, kuitaba ne: “Amene! Amene!” Pashishe kuinyikabu mitu panshi bua kukukuila Maweja-Nangila.

Nehemya 8:8

Bavua babala bashindumuna mukanda wa mikenji ya Mvidi Mukulu. Bavua bumvuija mikenji, bayijingulula bua muntu yonsu umvue tshiyuabu babale.

Nehemya 9:3

Pashishe, kuimanabu kulu meba asatu, bateleja dibala dia mukanda wa mikenji ya Maweja-Nangila Mvidi Mukulu wabu. Pashishe kuinyikabu mpala panshi meba asatu makuabu kumpala kua Maweja-Nangila Mvidi Mukulu, bua kulomba luse.

Nehemya 9:4

Pa tshibumba tshivuabu balongoluela bena Levi, kubandulukabu kudi Yeshuwa, Bani, Kadmiyele, Shebanya, Buni, Sherebiya, Bani ne Kenani, bela mbila mikole, balomba diambuluisha kudi Maweja-Nangila Mvidi Mukulu wabu.

Lewitiki 10:11

Kanuena mua kunua kabidi maluvu makole, panudi nulongesha bena Izrayele mikenji eyi idi Maweja-Nangila mubatumine kudi Moshe.

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Dielulula 33:10

Bena Levi badi balongesha bena Izrayele mikenji yebe. Badi balambula pa tshilambuilu tshiebe milambu ya manananshi, ne ya kuosha.