Nehemya 8:16 - MUKANDA WA MYIDI MUKULU

¹⁶ Nanku, bena Izrayele kuya kukeba matamba a mitshi bua kuasa tuzubu tua bisasa. Bakuabu bavua basa tuzubu atu pa misonga ya nzubu yabu, banga kutuasabu mu mpangu ya nzubu yabu, bakuabu kutuasa mu mbanza ya nzubu wa Mvidi Mukulu. Banga kutuasabu muaba uvua tshiibi tshia Mayi, nansha muaba uvua tshiibi tshia Efrayime.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku bantu bakaya, bakalua nʼau, bakadienzela bitandatanda, muntu ne muntu ha mutu ha nsubu wandi ne mu mpangu yabo ne mu mpangu ya ku nsubu wa Nzambi ne mu muaba mubaluluke wakadi ku mpala kua tshibi tshia ku luseke lua mai ne mu muaba mubaluluke wakadi ku mpala kua tshibi tshia Efelayima.

Nehemya 8:16 ပူးပေါင်းရင်းမြစ်များ

2 Samuele 11:2

Dituku dikuabu dilolu, Davide mumane kuikisha, kujukaye bua kuololoka, wendakana ku musaka wa nzubu wende wa bukalenga. Kumonaye mukaji wowa mayi. Mukaji awu uvua muimpe mutambe.

2 Bakalenga 14:13

Yowashe, mukalenga wa bena Izrayele, kukuata Amashiya, mukalenga wa bena Yuda ku Bete-Shemeshe. Amashiya, muana wa Yowashe, uvua muikulu wa Akaziya. Yowashe kumuka ku Bete-Shemeshe, kuya mu Yerushalayime. Kupulaye metre bu nkama ibidi ya tshimana tshia tshimenga atshi, biangatshile ku tshiibi tshia Efrayime too ne ku tshiibi tshikuabu tshia Ditumba.

2 Kulondolola 20:5

Yosafate kuimana munkatshi mua bena Yerushalayime, ne bena Yuda bakuabu bonsu. Kutangilaye ku lubanza lupialupia lua nzubu wa Mvidi Mukulu.

2 Kulondolola 33:5

Menashe kuasa bilambuilu mu mbanza ibidi ya ku nzubu wa Mvidi Mukulu, bua kutendelela mabulunge a mulu.

Nehemya 12:37

Bamane kufika ku tshiibi tshia Mpokolu, bavua babanda pa tshibandilu tshivua tshibafila mu Tshimenga tshia Davide, bapita kunyima kua nzubu wa mukalenga Davide, bua kufika ku tshiibi tshia Mayi, luseke ludi diba dipatukila lua tshimenga.

Nehemya 12:39

Tuetu kupitshila pa mutu pa tshiibi tshia Efrayime, ne pa tshiibi tshia Yeshana, ne pa tshiibi tshia Minyinyi ya mu mayi. Tuetu bamane kupita kaleya ka Ananeyele, ne kaleya ka Meya, tuetu kupitshila ku tshiibi tshia Mikoku bua kufika ku tshiibi tshia Balami.

Nehemya 3:26

ne bantu bakuabu bavua benza mudimu ku nzubu wa Mvidi Mukulu, basomba ku Ofele, bavua benza mudimu too ne ku kaleya kavua mu ditumba dia tshimana divua dipatuka, luseke ludi diba dipatukila lua tshiibi tshia Mayi.

Nehemya 8:1

Dituku dia kumpala dia ngondu, kusangilabu bonsu mu Yerushalayime, pa muaba udi kumpala kua tshiibi tshia Mayi. Kulombabu mutuangaji Ezra, mumanyi mupiluke wa mikenji, bua kufika kumpala kuabu ne mukanda wa mikenji, ivua Maweja-Nangila mutumine bena Izrayele kudi Moshe. Ezra kuya ne mukanda awu, muaba uvua bena Izrayele basangile, balume, bakaji, ne bana bavua batantamane.

Nehemya 8:3

Dinda too ne munda munya, Ezra uvua anu muimane kulu muaba uvua tshiibi tshia Mayi, ubadila bena Izrayele ne diyi dikole bionsu biwabu bafunda mu mukanda. Bantu bonsu bavua bateleja ne ntema bionsu bivuaye ubala abi.

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

Yirmeya 32:29

Bena Babilone badi batshiluisha mpindiewu, nebabuelemu. Nebatshinyenge, batshioshe. Neboshe nangananga nzubu eyi ivuabu bampendele pa kuosha musenga wa kamonya bua kutendelela Baale, ne pa kulambula milambu ya maluvu bua kutendelela mvidie ya bantu ba bisamba bikuabu.

Dielulula 22:8

Panudi nuasa nzubu mupiamupia, nuenze bimana binyungulule musaka wa nzubu awu. Bualu bu muntu mukuluke ku musaka mufue, nenupete tshilumbu.