Nehemya 8:12 - MUKANDA WA MYIDI MUKULU

¹² Pashishe, bantu bonsu kupingana kuabu bua kudia ne bua kunua. Bavua babanyangana ne bavua kabayi ne tshia kudia, basanka bikole. Bualu bavua bumvua bimpe malu onsu avuabu babambile.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku bantu bonso bakaya kuabo bua kudiabo ne bua kunuabo ne bua kutuminabo bantu bakadi hatuhu bintu bia kudia ne bua kusankabo, bualu bua bobo bakajingulula mei akabambilabo.

Nehemya 8:12 ပူးပေါင်းရင်းမြစ်များ

1 Kulondolola 29:22

Dituku adi, bena Izrayele kudia, kunua kumpala kua Maweja-Nangila, bikale ne disanka dinene. Ewu ke musangu muibidi, udibu baleja bantu mudi Shelomu muana wa Davide, mukalenga wabu. Kumulababu manyi a bukalenga, bua akuatshile Maweja-Nangila mudimu. Amu diba adi kujidilabu Sadoke bua ikale mutuangaji munene.

Nehemya 8:10

Ezra kubambila ne: — Pinganayi kuenu. Nudie bimpe, nunue bintu bisheme. Nuabanyangane ne badi kabayi ne tshintu, bualu lelu ndituku dia tshijila dia Maweja-Nangila wetu. Kanubungami, bualu disanka didi difuma kudi Mvidi Mukulu nedinupe bukole.

Nehemya 8:11

Nanku, bena Levi kutuyisha bantu bonsu, bamba ne: — Shalayi talalaa! Lelu ndituku dia tshijila dia Mvidi Mukulu. Kanubungami to!

Nehemya 8:13

Butshia, bamfumu ba meku onsu a bena Izrayele, batuangaji ne bena Levi, kudisangisha, bua Ezra, mumanyi mupiluke, abumvuije bimpe mikenji ya Mvidi Mukulu.

Estere 9:22

Bualu matuku awu, bena Yuda bavua bapete dikisha, kabatshiwa ne muluishi kabidi to. Ngondu awu, dibungama diabu divua diandamuke disanka, dikenga divua diandamuke diakalenga. Nanku bavua ne bua kuenza bibilu ne disanka, batuminangana bintu bia kusankishangana nabi, kupesha bapele bintu.

Yobe 23:12

Tshivua mubenge kukumbaja bivuaye muntumine diyi, meme kuenza bivuaye mujinge, bivuaye mumfundile bua kuenza.

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Misambu 119:127

Ndi munange meyi ebe kumpala kua bintu bionsu, kumpala kua tshiamu tshia mpawungi wa menemene.

Misambu 119:130

Diyi diebe didi dipetesha muntu butoke padiye udimanya, didi dipetesha bantu bapuekele lungenyi.

Misambu 119:14

Kulonda mikenji yebe kudi kunsankisha, bu mudi muntu mupete biuma bia bungi.

Misambu 119:16

Ndi ne disanka dia kulonda mikenji yebe, tshiena mpua diyi diebe muoyi.

Misambu 119:171

Mishiku yanyi itangalaje butumbi buebe, bualu udi undongesha biudi musue.

Misambu 119:174

Maweja-Nangila, dijinga dinene ndia wewe kumpandisha, mikenji yebe ke idi insankisha.

Misambu 119:72

Mikenji yebe idi indengelela, bipitshidile biamu bia mpawungi ne biamu bitoke bia mushinga mukole binunu ne binunu.

Misambu 119:97

Eyi, ndi munange diyi diebe bikole, ndi nadi mu meji anyi matuku onsu.

Yirmeya 15:16

Paudi mungambile malu, diakamue meme kuteleja bimpe, kuvuluka muaku webe onsu. Muaku webe kunguwuja ne disanka, kungenza muena diakalenga. Bualu mbanjidile mu dina diebe wewe, Maweja-Nangila wa bukole buonsu.

Luke 24:32

Balongi kuambilanganabu ne: — Pavua Yezu utuambila malu mu njila, utumtuija Mikanda ya tshijila, katuvua bumvua bu kapia kosha munda muetu anyi?

Rome 7:18

Bualu ndi mumanye ne: bidi bimpe kabiena bisomba munda muanyi, nkuamba ne: mu buntu buanyi butekete. Bualu nansha dijinga dia kuenza bimpe dikale munda muanyi, tshiena ne bukole bua kudikumbaja.

Didimanyisha 11:10

Bantu ba pa buloba nebasanke, batue tshianga, basankishangane ne bintu, bua lufu luabu, bualu bambi babidi aba bavua batatshishe bikole bantu ba pa buloba.