Nehemya 8:1 - MUKANDA WA MYIDI MUKULU

^1-2 Dituku dia kumpala dia ngondu, kusangilabu bonsu mu Yerushalayime, pa muaba udi kumpala kua tshiibi tshia Mayi. Kulombabu mutuangaji Ezra, mumanyi mupiluke wa mikenji, bua kufika kumpala kuabu ne mukanda wa mikenji, ivua Maweja-Nangila mutumine bena Izrayele kudi Moshe. Ezra kuya ne mukanda awu, muaba uvua bena Izrayele basangile, balume, bakaji, ne bana bavua batantamane.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bantu bonso bakadisangisha bu muntu umue mu muaba mubaluluke wakadi ku mpala kua tshibi tshia ku luseke lua mai; bakambila Ezela mufundi ne, Ulue ne mukanda wa mikenji ya Mose yakambila Yehowa Bena Isalele.

Nehemya 8:1 ပူးပေါင်းရင်းမြစ်များ

2 Bakalenga 23:2

Kuyabu bonsu mu nzubu wa Maweja-Nangila. Bavua baye ne bantu bonsu ba mu Yerushalayime ne ba mu ditunga dia Yuda: batuangaji, bambi, ne bantu bakuabu bonsu. Mukalenga Yoshiya kubabadila bonsu mukanda wa ndondu uvuabu bangula mu nzubu wa Mvidi Mukulu.

2 Kulondolola 34:15

Ilkiya kuambila Shafane mufundi ne: “Ndi muangule mukanda wa mikenji mu nzubu wa Maweja-Nangila.” Pashishe, Ilkiya kupesha mufundi mukanda awu.

2 Kulondolola 34:30

Kuyabu bonsu mu nzubu wa Mvidi Mukulu. Bavua baye ne bantu ba mu Yerushalayime ne ba mu ditunga dia Yuda, batuangaji, bena Levi ne bantu bakuabu bonsu. Pashishe, mukalenga Yoshiya kubabadila bonsu mukanda wa ndondu uvuabu bangule mu nzubu wa Mvidi Mukulu.

Ezela 7:1

Pashishe, mu matuku a bukalenga bua Artashasta, mukalenga munene wa bena Persa, Ezra uvua utumina ku Babilone. Ezra uvua muana wa Seraya, Seraya uvua muana wa Azarya, Azarya uvua muana wa Ilkiya,

Ezela 7:10

Bualu Ezra uvua mudifile ne muoyi wende mujima bua kulonga mikenji ya Maweja-Nangila, kuyikumbaja, kuyilongesha bena Izrayele, bua balonde anu meyi ne mikandu bidibu bafunde mu mikenji.

Ezela 7:11

Artashasta, mukalenga munene wa bena Persa, uvua mupeshe mutuangaji Ezra mukanda. Ezra uvua mumanye bikole meyi ne mikandu bivua Maweja-Nangila mupeshe bena Izrayele. Mukalenga munene Artashasta uvua mufunde ne:

Ezela 7:6

Ezra uvua mumanye mikanda, uvua mumanye bikole meyi ne mikandu bivua Maweja-Nangila Mvidi Mukulu wa bena Izrayele muambile Moshe. Maweja-Nangila Mvidi Mukulu wende uvua mumupeteshe lumu. Ke pa wa Artashasta, mukalenga munene, mumupeshe bionsu biwaye ulomba.

Nehemya 12:26

Bavua bakumbaja mudimu ewu mu tshikondu tshia Yoyakime, muana wa Yeshuwa, ne muikulu wa Yoshadake, ne mu tshikondu tshia Nehemya, mulombodi wa buloba, ne mu tshikondu tshia Ezra, mutuangaji mulongeshi wa mikenji.

Nehemya 12:37

Bamane kufika ku tshiibi tshia Mpokolu, bavua babanda pa tshibandilu tshivua tshibafila mu Tshimenga tshia Davide, bapita kunyima kua nzubu wa mukalenga Davide, bua kufika ku tshiibi tshia Mayi, luseke ludi diba dipatukila lua tshimenga.

Nehemya 3:26

ne bantu bakuabu bavua benza mudimu ku nzubu wa Mvidi Mukulu, basomba ku Ofele, bavua benza mudimu too ne ku kaleya kavua mu ditumba dia tshimana divua dipatuka, luseke ludi diba dipatukila lua tshiibi tshia Mayi.

Nehemya 8:16

Nanku, bena Izrayele kuya kukeba matamba a mitshi bua kuasa tuzubu tua bisasa. Bakuabu bavua basa tuzubu atu pa misonga ya nzubu yabu, banga kutuasabu mu mpangu ya nzubu yabu, bakuabu kutuasa mu mbanza ya nzubu wa Mvidi Mukulu. Banga kutuasabu muaba uvua tshiibi tshia Mayi, nansha muaba uvua tshiibi tshia Efrayime.

Nehemya 8:3

Dinda too ne munda munya, Ezra uvua anu muimane kulu muaba uvua tshiibi tshia Mayi, ubadila bena Izrayele ne diyi dikole bionsu biwabu bafunda mu mukanda. Bantu bonsu bavua bateleja ne ntema bionsu bivuaye ubala abi.

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Lewitiki 9:5

Nanku bionsu bivua Moshe muambe, kubifidilabu mu mushiku wa ntenta wa kusambakena. Pashishe bena Izrayele bonsu kuya kuimana muaba awu bua kutendelela Maweja-Nangila.

Matayi 13:52

Nanku Yezu kubambila kabidi ne: — Ke mudi mulongeshi yonsu wa mikenji, padiye udienza mulongi wa malu a mu Bukalenga bua mu diulu, ufuanangana ne muena lupangu udi upatula bintu bipiabipia, ne bintu bia kale, mu tshibutshilu tshiende.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Matayi 23:2

— Balongeshi ba mikenji ne Baparushe badi ne bumfumu bua kumvuija bantu mikenji ya Moshe.

Matayi 23:34

Nanku telejayi: nennutumine bambi, bena meji, ne balongeshi ba bushuwa ba mikenji. Nenushipe bamue. Nenupopele bakuabu ba mitshi mitshiamakane. Nenutute banga mikaba mu nzubu yenu ya kutendelela. Nenubalondakaje ku tshimenga ne ku tshimenga.

Dielulula 31:11

Nusangishe bena Izrayele bonsu muaba umue, balume, bakaji, bana, ne bantu benyi badi munkatshi muenu. Nubabadile mikenji eyi kumpala kua Mvidi Mukulu Maweja-Nangila, muaba wikalaye musungule.

Balombodi 20:1

Bena Izrayele bonsu kumvuangana ne muoyi umue, kudisangisha ku Mispa, muaba udi Maweja-Nangila. Bivua bafume ku nseke yonsu, biangatshile ku Dane, ku mutu mu ditunga, too ne ku Bersheba, kuinshi mu ditunga. Bakuabu bavua bafume kabidi ku ditunga dia Ngilaade, didi luseke ludi diba dipatukila lua Yardene.

Balombodi 20:8

Bantu bonsu bamane kumvuangana, kuimanabu kulu, bamba ne: — Muntu nansha umue wa munkatshi muetu, kena mua kupingana kuende, mu mitanda yende, nansha ku nzubu kuende.