Nehemya 7:4 - MUKANDA WA MYIDI MUKULU

⁴ Tshimenga tshia Yerushalayime tshivua tshialabale. Kadi bantu bavua basamu bavua amu bakese. Bualu kabavua banji kulongolola nzubu mikuabu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Musoko wakadi munene ne mubaluluke, kadi bantu bakadimu bakadi banya-banya, kabakanza kuibakamu nsubu.

Nehemya 7:4 ပူးပေါင်းရင်းမြစ်များ

Nehemya 11:1

Bamfumu ba bantu kuyabu kusomba mu Yerushalayime. Kadi, ku bantu bakuabu bavua bashale, kusungulabu muntu umue pa dikumi, bua asombe mu Yerushalayime, tshimenga tshia tshijila. Bantu bakuabu tshitema pa dikumi kuyabu kusomba mu misoku ne mu bimenga bia mu ditunga.

Nehemya 11:2

Bena Yuda bavua basankidila bikole, bela ka lumbandi, bantu bavua badianza kuitaba ku budisuile buabu, bua kuya kusomba mu Yerushalayime.

Nehemya 7:3

Meme kubambila ne: — Kabena mua kunzulula biibi bia tshimenga, diba kadiyi dianji kubanda. Nebabikange dilolu, bena mabaya bapayika milonda balami ba biibi kabayi banji kumuka ku mudimu. Nuteke bantu bua kulama tshimenga tshia Yerushalayime. Nuteke balami bakuabu pa miaba misunguluke, bakuabu pabuipi ne nzubu yabu.

Nehemya 7:5

Mvidi Mukulu wanyi kumpesha meji, meme kubikidisha bakulu, balombodi ba ditunga, ne bantu bakuabu ba mu tshimenga, bua kubala bungi buabu. Meme kubala mukanda uvua ne mena a bena Yuda bavua badianjile kufuma mu bupika, bapingane mu Yerushalayime. Mukanda bavua baufunde nenku:

Yeshaya 58:12

Nenku nenuasulule miaba ivua mishale makolu. Nenuibakulule nzubu mipiamipia, pa bitaku bia nzubu binukavua bamane kulekela kale. Bantu nebanumanye bu bantu badi balongolola miaba ya mu bimana bia tshimenga idi minyanguke, bu bantu badi balandakaja misesu idi mu tshimenga.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.