Nehemya 7:2 - MUKANDA WA MYIDI MUKULU

² Ku mudimu wa kulongolola tshimenga tshia Yerushalayime, meme kuteka muanetu Anani, kabidi Ananiya, uvua mulombodi wa nzubu wa bena mvita. Ananiya uvua muntu muimpe, mulamatshi wa Mvidi Mukulu, mupite bantu bakuabu ba bungi.

Mukanda wa Nzambi Dihungila Dikulukulu ne Dihungila Dihia-dihia 2003

² nakasungula muanʼetu Hanani ne Hananya, mulami wa nsubu wa mukelenge, balami ba Yelushalema, bualu bua Hananya wakadi muntu wa kueyemenyibua, wakatamba bakuabo kutshina Nzambi.

Nehemya 7:2 ပူးပေါင်းရင်းမြစ်များ

Genese 42:18

Dituku disatu, Yozefe kubambila ne: — Meme ndi nnemeka Mvidi Mukulu. Nanku bua nuenu kuikala ne muoyi, nuitabe tshindi nnuambila.

2 Samuele 23:3

Mvidi Mukulu wa Izrayele kuakula, mulami wa bena Izrayele kungambila ne: “Mukalenga udi ulombola bantu bimpe, uludika bantu, ukumbaja bidi Mvidi Mukulu musue,

1 Bakalenga 18:12

Kadi, patuikala bashiyangana nebe, Mueyelu wa Maweja-Nangila neuye nebe muaba mukuabu undi tshiyi mumanye. Pangikala mumane kuambila Akabe ne: muambi Eliya wafiki, pikalabu kabayi bakumona, nebanshipe! Meme Obadya ndi ngitaba Maweja-Nangila muanyi muonsu, biangatshile ku buana buanyi.

1 Bakalenga 18:3

Akabe uvua mubikile Obadya, mulombodi wa nzubu wa bukalenga. Obadya uvua muitabe Maweja-Nangila muende muonsu.

Nehemya 1:2

Muanetu mukuabu Anani, ne bantu bavuaye nabu, bavua bumukila mu ditunga dia bena Yuda, bafika mu Shushane. Meme kubakonka malu a mu Yerushalayime, ne a bena Yuda bavua bapatuke mu bupika, bapingane muetu.

Nehemya 13:13

Bua kulama mayeba aa, meme kusungula mutuangaji Shelemiya, Sadoke, mufundi, ne Pedaya, muana wa Levi. Bavua babambuluisha kudi Anane, muana wa Zakure, ne muikulu wa Mataniya. Bonsu abu bavua bamueneka bantu ba diyi dimue. Bavua ne mudimu wa kuabanyina bana babu bintu bia ku milambu.

Nehemya 2:8

Umpeshe mukanda mukuabu wa meme kupesha Ashafe, mulami wa metu a mukalenga, bua kumpeshaye mabaya makumbane a meme kuenza nawu biibi bianzubu wa balami ba nzubu wa Mvidi Mukulu, kuenza nawu kabidi bimana bia ku tshimenga, ne kuasa nawu nzubu wa meme kusomba. Mukalenga wa bakalenga kumpesha mikanda ayi, bualu Mvidi Mukulu wanyi uvua mungambuluishe.

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Nehemya 7:3

Meme kubambila ne: — Kabena mua kunzulula biibi bia tshimenga, diba kadiyi dianji kubanda. Nebabikange dilolu, bena mabaya bapayika milonda balami ba biibi kabayi banji kumuka ku mudimu. Nuteke bantu bua kulama tshimenga tshia Yerushalayime. Nuteke balami bakuabu pa miaba misunguluke, bakuabu pabuipi ne nzubu yabu.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Misambu 101:6

Mu ditunga nentangile muntu undi mua kutekemena, bua kusombaye nanyi muaba umue; ne muntu udi ne nsombelu muimpe, neangambuluishe mu mudimu.

Ekesode 18:21

Pashishe, usungule bantu ba nsongu badi batshina Mvidi Mukulu munkatshi mua bena Izrayele. Bantu badi bamba malu malelela, babenga mabuejila ubateke bakulu badi ku mutu kua bantu tshinunu, lukama, makumi atanu too ne kua bantu dikumi.

Danyele 6:4

Uwa mupite bamfumu babidi bakuabu, ne balombodi bonsu ba bitupa bia buloba, ku lungenyi lua pa bualu luvuaye nalu. Mukalenga wa bakalenga uvua musue kumupesha muanzu wa kutangila malu a mu bukalenga buende bonsu.

Dibadika 12:7

Kadi, bua muntu wanyi Moshe kabiena nanku to. Bualu yeye ke udi ulombola bimpe bantu banyi bonsu bena Izrayele.

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

Matayi 25:21

Mfumuende kumuandamuna ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

1 Korente 4:2

Kadi tshidibu batekemena kudi muntu udibu bafundile mudimu ntshinyi? Badi bajinga amu ne: aukumbaje pa wowu!

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.