Nehemya 7:1 - MUKANDA WA MYIDI MUKULU

¹ Mudimu wa kuibaka tshimana tshia tshimenga mumane kujika, meme kuela biibi ku mushiku wa tshimenga. Balami ba biibi, bimbi ba misambu, ne bena Levi, kutuadija midimu yabu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakamanabo lumbu ne hakelabo bibi ne hakasungulabo batuadi ba bintu ne bimbi ba misambu ne Bena Lewi,

Nehemya 7:1 ပူးပေါင်းရင်းမြစ်များ

2 Bakalenga 7:10

Nanku, kupinganabu mu tshimenga, kubikila batentekedi bavua balame tshiibi tshinene, babambila ne: — Tuvua baye mu mitanda ya bena Siriya, katuena basanganamu muntu to. Kabidi katuena bumvue nansha diyi dia muntu. Tudi basangana anu nyama ya tubalu ne ya mpunde misuike. Tudi basangana kabidi ne ntenta ivuabu balekele.

2 Kulondolola 31:2

Izkiya uvua mulongolole tshiakabidi bisumbu bia batuangaji ne bia bena Levi. Uvua mupeshe muntu yonsu mudimu bilondeshile tshisumbu tshivuaye. Batuangaji ne bena Levi bavua ne bua kulambula milambu ya kuosha ne ya bobumue, bavua ne bua kulombola midimu ya kutendelela, ya kutumbisha Maweja-Nangila, ne ya kumutua makumbu.

Ezela 3:8

Bobu bamane kupingana mu Yerushalayime, tshimenga tshivua ne nzubu wa Mvidi Mukulu, tshidimu tshijima tshimane kupita, mu ngondu muibidi kutuadijabu mudimu kudi Zerubabele, muana wa Sheyaltiyele, Yeshuwa, muana wa Yoshadake, bana babu batuangaji bakuabu, bena Levi, ne bonsu bavua bafume ku bupika. Kutekabu bena Levi bavua ne bidimu bituadije ku makumi abidi ne pa mutu, bua kulombola midimu ya kuibaka nzubu wa Maweja-Nangila.

Nehemya 10:39

Nanku mutuangaji wa ku ndelanganyi ya Arone, neaye ne bena Levi, bua kuangata tshia dikumi atshi. Bena Levi nebafike ne tshia dikumi atshi mu nzubu wa Mvidi Mukulu, mu bibambalu mudibu bateka bintu bia mushinga.

Nehemya 11:3

Bamfumu ba buloba bavua basombe mu Yerushalayime. Kadi bena Izrayele bakuabu: batuangaji, bena Levi, bena midimu mikuabu ya mu nzubu wa Mvidi Mukulu, too ne bantu ba ku ndelanganyi ya bena mudimu ba Shelomu, bavua basombe mu misoku yabu, muntu muende, muntu muende.

Nehemya 12:24

Bamfumu bonsu ba bena Levi: Ashabiya, Sherebiya ne Yeshuwa, muana wa Kadmiyele, bavua bimane ne bana babu mu bisumbu bibidi batangilangane, batumbisha Mvidi Mukulu, bamuele tuasakidila, bilondeshile mikenji ya Davide muntu wa Mvidi Mukulu.

Nehemya 6:1

Sanebalate, Tobiya, Ngesheme, muena Arabe, ne baluishi betu bakuabu, kumvuabu ne: nkadi mumane kuibaka tshimana tshia Yerushalayime. Kakuena muaba munyanguke kabidi to. Tshikondu atshi, tshivua muanji kupingaja bitupa bia biibi pa muaba wabi to.

Nehemya 6:15

Tuetu bamane kuenza mudimu matuku makumi atanu ne abidi, tuetu kujikija dibaka dia tshimana dituku dia makumi abidi ne ditanu dia ngondu wa Elule.

Nehemya 6:19

Bavua bamutumbisha, meme mutangile. Bavua bamulondele kabidi bimvua meme muambe. Tobiya muine uvua untumina mikanda bua kunkuatshisha bowa.