Nehemya 6:6 - MUKANDA WA MYIDI MUKULU

⁶ Mu mukanda bavua bafunde ne: “Ngesheme wangambidi ne: bantu ba bisamba bikuabu badi bamba ne: wewe Nehemya, ne bana benu, nudi nukeba kutomboka. Ke paudi wibakulula tshimana etshi. Badi bamba kabidi ne: udi musue kushala mukalenga.

Mukanda wa Nzambi Dihungila Dikulukulu ne Dihungila Dihia-dihia 2003

⁶ ne mei mafunda nunku ne, Lumu luakatangadika munkatshi mua bisamba bionso bia bantu ne, Gesheme udi wamba bualu ebu ne, Wewe ne Bena Yuda nudi nuelangana meji bua kutomboka; bua bualu ebu wewe udi wibaka lumbu elu; wewe udi musue kuikala mukelenge wabo bu mudi mei â.

Nehemya 6:6 ပူးပေါင်းရင်းမြစ်များ

Ezela 4:12

“Mukalenga, tudi tukumanyisha ne: bena Yuda badi bumuke kuebe, bafike kuetu kunu ku Yerushalayime, badi basue kuasulula tshimenga etshi tshibi tshia bantomboji. Badi benzulula tshitaku, babandisha ne bimana.

Ezela 4:15

ukebulule mu mikanda yonsu ya bakalenga bavua bakudianjidila mu bukalenga. Neupete mikanda idi ijadika ne: tshimenga etshi tshivua anu tshia bantomboji, tshivua amu tshitatshisha bakalenga banene, ne balombodi ba matunga. Misangu yonsu bena tshimenga etshi badi anu batomboka. Ke pavua bakalenga banene babutula tshimenga etshi.

Nehemya 2:19

Kadi, Sanebalate, muena Orone, Tobiya, muena Amone, uvua umuambuluisha, ne Ngesheme, muena Arabe, kutusekabu. Kutusendekabu, bakonka ne: — Tshinudi nuenza ntshinyi? Nudi basue kutombokela mukalenga wa bakalenga anyi?

Nehemya 6:13

Bavua bamupe makuta bua tshinyi? Anu bua meme kuikala ne bowa, kulonda meyi abu, kupia tshibawu. Ke muvuabu mua kunyanga lumu luanyi, kumfuisha bundu.

Nehemya 6:5

Musangu muitanu Sanebalate kuntumina mukanda kudi muntu uvuaye wenza nende mudimu. Kadi mukanda awu kauvua mubuikila to.

Nehemya 6:7

Ke paudi musungule bambi, mua kuelabu diyi mu Yerushalayime, ne: Nehemya ke mukalenga wa bena Yuda. Kadi mukalenga wa bakalenga neamanye bualu ebu lukasa. Nanku, ufike tuyukile nebe.”

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Matayi 5:11

Padi bantu banupenda, banukengesha, nansha babenga bionsu binudi nuenza, amu bualu nudi balongi banyi, nudi bena diakalenga.

Luke 23:2

Kutuadijabu kumusonguela kua Pilate, bamba ne: — Tudi basangane muntu ewu upambula bena ditunga. Udi ukandika bantu ne: kanufutshi tshitadi tshia mukalenga wa bakalenga. Udi udiamba kabidi ne: ndi Kristu, mukalenga wa ditunga.

Yowanane 19:13

Pilate umvua nanku, kupatulaye Yezu pambelu. Kusombaye mu nkuasa wa bundumbulula, muaba uvuabu binyika ne: “Muaba mulamika mabue.” (Mu buena ebrewu badi bawinyika ne: “Ngabata”).

Rome 3:8

Nanku diba adi katuena mua kuamba ne: “Tuenze malu mabi, bua bubi butupeteshe malu mimpe” anyi? Bualu bamue bantu bua kunjana, badi bansonguela, bamba ne: Polu udi ulongesha malu a nanku. Bantu aba Mvidi Mukulu neabanyoke dinyoka dibakumbanyina!

2 Korente 6:8

Badi batuela kalumbandi, batujana. Badi batupenda, batupa lumu. Badi batutangila bu bena dishima, bitaba bitudi tuamba ne: mbilelela.

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.