Nehemya 5:9 - MUKANDA WA MYIDI MUKULU

⁹ Meme kubambila ne: — Nudi benze bibi bitambe, kanuyi mua kutshinaku Mvidi Mukulu wetu! Nanku, baluishi betu, bantu ba bisamba bikuabu, nebanulembakaje.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nakamba kabidi ne Bualu ebu bunudi nuenza kabuena buimpe; kanuena ne buabi bua kuenda mu ditshina dia Nzambi wetu bualu bua bihendu bia bisamba bia bantu, bena lukuna betu, anyi?

Nehemya 5:9 ပူးပေါင်းရင်းမြစ်များ

Genese 20:11

Abrahame kuandamuna ne: — Mvua muele meji ne: bantu ba kuneku kabena batshina Mvidi Mukulu. Nanku nebanshipe bua kuangata mukajanyi.

Genese 42:18

Dituku disatu, Yozefe kubambila ne: — Meme ndi nnemeka Mvidi Mukulu. Nanku bua nuenu kuikala ne muoyi, nuitabe tshindi nnuambila.

2 Samuele 12:14

Kadi bua paudi muenze bualu ebu, baluishi ba Maweja-Nangila bapetshi mushindu wa kudiwula Maweja-Nangila. Nanku, muanebe udibu balele mpindiewu, neafue.

Nehemya 4:4

Kadi bena Yuda bavua bamba ne: “Bena mudimu kabena kabidi ne bukole to. Bintu bidi binyanguke mbipite bungi. Kakuena mushindu wa kuibakulula bimana kujikija to!”

Nehemya 5:10

Meme ne bana betu, ne bena mudimu banyi, tavua basombeshe bantu nkanu mitoke ya mushinga mukole, ne ntete ya kuenza bukula. Nanku, tuanyishi bua kabatapingajidi binta bietu.

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Misambu 90:11

Udi mumanye bukole bua tshiji tshiebe nnganyi? Nganyi watshina kapia ka dibinduluka diabe?

Nsumuinu 16:29

Muntu wa tshikisu udi udinga balunda bende, ubakebela kabutu.

Nsumuinu 17:26

Kufundila muntu udi kayi bualu tshibawu kudi kubi. Kunyoka muntu wa nsongu kakuena kuakana.

Nsumuinu 18:5

Kubingishi muena tshibawu, kupishi muntu muakane.

Nsumuinu 19:2

Muaba udi kauyi dimanya, disuminyina kadiena ne bua nsongu. Kudia lukasa nkupia mukana.

Nsumuinu 24:23

Bena meji badi bamba kabidi ne: Tshibawu mpolonto mpolonto, wasa kudi tshibawu kuashi kudi muanenu.

Yezekiyele 36:20

Nanku, mu bisamba bionsu muvuabu baye, bantu bavua bapepeja dina dianyi dia tshijila, bua tshilema tshivuabu benza. Bualu bantu bavua bamba ne: “Bantu aba mbantu ba Maweja-Nangila, kadi bavua ne bua kumuka mu ditunga diende.”

Lewitiki 25:36

Kanumutatshishi bua kulomba tshia kasombela to. Nuntshine meme Maweja-Nangila. Numuambuluishe bua asombe nenu bimpe.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Rome 2:24

Bualu Mikanda ya tshijila idi yamba ne: “Buenu nuenu bena Yuda, ke budibu bampendela kudi bantu ba bisamba bikuabu.

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

Tite 2:5

Babalongeshe mudibu mua kuikala bena meji, ba munda mutoke, badi bakuata midimu ya nzubu ne mankenda. Bikale kabidi bantu ba muoyi muimpe, badi batumikila babayabu, bua muntu kapendi muaku wa Mvidi Mukulu.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Samuele 2:24

Bana banyi, lekelayi kuenza nanku! Tshijanu tshienu tshindi mumvue mukana mua bantu ba Maweja-Nangila tshidi tshibi tshitambe.