Nehemya 5:10 - MUKANDA WA MYIDI MUKULU

¹⁰ Meme ne bana betu, ne bena mudimu banyi, tavua basombeshe bantu nkanu mitoke ya mushinga mukole, ne ntete ya kuenza bukula. Nanku, tuanyishi bua kabatapingajidi binta bietu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Muomumue meme ne bana betu ne bena mudimu banyi tuakadi mua kubasombesha argent ne blé bua kuheta tshia kasombela. Ndi nnusengelela ne, Tulekelai tshia kasombela aka.

Nehemya 5:10 ပူးပေါင်းရင်းမြစ်များ

Nehemya 10:32

Dituku dia Dikisha, nansha dia tshibilu, pikala bantu aba basue kusumbisha ntete ya kuenza bukula, nansha bintu biabu bia mu madimi, katuena tubisumba to. Pashishe, netulekele kudima tshidimu tshia muanda mutekete, netulekelangane kabidi mabanza.

Nehemya 5:11

Nuenu kabidi lelu nupingajile bantu madimi abu, mionji ya mvinyo, mitshi yabu ya olive, ne nzubu yabu. Kanulombi tshintu tshia kasombele ku nkanu ya tshiamu tshitoke tshia mushinga mukole, ku ntete ya kuenza bukula, ku maluvu a mvinyo, nansha ku mafuta, binuvua babasombeshe.

Nehemya 5:7

Mvua musue kutandisha bakulu ba ditunga, ne balombodi, bua kabikadi bakengesha bana babu bikole nanku to. Nanku, meme kubikidisha bantu bonsu mu tshisangilu.

Nehemya 5:9

Meme kubambila ne: — Nudi benze bibi bitambe, kanuyi mua kutshinaku Mvidi Mukulu wetu! Nanku, baluishi betu, bantu ba bisamba bikuabu, nebanulembakaje.

Misambu 15:5

Udi usombeshangana makuta, kayi ulomba bia kasombela. Udi kayi ne bualu, kena umudila mabuejila. Muenji wa nanku, kakumona diakabi.

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Yezekiyele 18:13

Udi usombeshangana makuta bua kuvudija biuma biende ne kupeta makasa. Muntu wa nanku udi mua kushala ne muoyi anyi? Nansha kakese! Udi muenze malu mabi onsu aa andi mbenga. Nanku neafue. Yeye nkayende mmudikebele lufu luende.

Yezekiyele 18:7

Kena ukengesha muntu, nansha wiba muntu awu. Udi upingaja tshieya tshivua muena dibanza mumueyeke. Udi upesha muntu udi ne nzala biakudia, upesha muntu uvua butaka tshilamba.

Yezekiyele 18:8

Kena usombeshangana makuta bua kuvudija biuma biende, nansha bua kupeta makasa, Kena wambuluisha benji ba bibi. Kadi udi ukosa bilumbu anu pa biobi.

Mika 2:1

Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.

2 Korente 5:11

Tudi bamanye mutudi ne bua kutshina Mfumu. Ke patudi tukeba kufikisha bantu ku ditaba. Mvidi Mukulu mmutumanye muetu muonsu mutudi. Ndi ntekemena kabidi ne: nuenu munda muenu nudi bammanye kabidi muanyi muonsu mundi.

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

Dielulula 15:2

Mabanza awu nulekelangane mushindu ewu: padi tshidimu tshikumbana tshia kulekelangana mabanza mu dina dia Maweja-Nangila, bantu bonsu bavua basombesha bana babu makuta, kabena mua kunana makuta awu to. Kabidi muntu kena mua kutatshisha muanabu bua kufutaye dibanza adi to.