Nehemya 3:14 - MUKANDA WA MYIDI MUKULU

¹⁴ Tshiibi tshia ku Dyala, bavua batshilongolola kudi Malkiya, muana wa Rekabe. Malkiya uvua mulombodi wa buloba bua Bete-Kereme. Malkiya mumane kulongolola tshiibi atshi, kuelaye bitupa bibidi bia tshiibi ku mbelu, kuasaye kabidi ne milonda ya kukanga nayi tshiibi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Malakiya, muana wa Lekaba, mukokeshi wa luseke lua Bete-hakeleme, wakalongolola mushiku wa mbelu wa ku luseke lua ku diala; wakawasa, wakateka bibi ne milonda ne biamu biau.

Nehemya 3:14 ပူးပေါင်းရင်းမြစ်များ

2 Samuele 4:2

Ishebaale uvua ne bantu bende babidi, bikale balombodi ba bena mvita. Mena abu avua: Baana ne Rekabe. Bavua bana ba Rimone, muena Binyamine, wa mu musoku wa Beyerote, (Musoku wa Beyerote uvua mubuele mu buloba bua Binyamine,

2 Bakalenga 10:15

Yehu umuka muaba uvuaye awu, uye mutantshi, kusambakenaye ne Yonadabe, muana wa Rekabe, umuvuila. Yehu kumuela muoyi, umukonka ne: — Wewe udi wanyi bu mundi meme webe anyi? Yonadabe kuandamuna ne: — Eyowa. Yehu kumuambila ne: — Nanku, tuelangane muoyi ku bianza! Bobu bamane kuelangana muoyi ku bianza, Yehu kuambula Yonadabe mu ditempu diende.

1 Kulondolola 6:40

Bobu kupeta tshimenga tshia Ebrone, mu ditunga dia Yuda, ne mpata ya ku mpenga kuatshi bua kudisha bimuna.

Nehemya 12:31

Meme Nehemya kulomba bamfumu ba bena Yuda bua babande pa tshimana tshia tshimenga. Meme kutapulula bena misambu mu bisumbu bibidi binene. Tshisumbu tshia kumpala tshivua tshiya ku dia balume, tshisemena pa tshimana, tshitangila ku tshiibi tshia Dyala.

Nehemya 2:13

Mundankulu, meme kumuka mu tshimenga, kupatukila ku tshiibi tshia ku Tshibandabanda. Meme kuya luseke lua ku mpokolu wa mayi a Mamba-muntu, ne ku tshiibi tshia ku Dyala. Meme kukenketa bimana bia tshimenga. Meme kujadika ne: bimana bivua biupuke miaba mivule, kabidi biibi bivua biosha ne kapia.

Nehemya 3:9

Muntu uvua wenza mudimu tshitupa tshia tshimana tshivua tshilonda, uvua Refaya, muana wa Ure. Refaya uvua mulombodi wa tshitupa tshimue tshia tshimenga tshia Yerushalayime.

Yirmeya 6:1

Nuenu bena Binyamine, umbukayi mu Yerushalayime! Nunyeme bua kudipandisha. Elayi mpungi ku tshimenga tshia Tekowa. Elayi tshimunyi kulu pa mukuna wa Bete-Kereme, numanyishe bantu bualu. Bualu, dikenga dinene ne kabutu bidi binuvuila, bifumina luseke lua ku mutu kua ditunga.