Nehemya 3:1 - MUKANDA WA MYIDI MUKULU

¹ Mutuangaji munene Eliyashibe, kutuadija mudimu pamue ne batuangaji bakuabu. Kuibakululabu tshiibi tshia Mikoku, kutshijidilabu. Kuelabu bitupa bibidi bia tshiibi ku mbelu. Kuibakululabu tshimana too ne ku kaleya ka Meya. Kujidilabu tshimana atshi. Kutungunukabu ne dibaka tshimana too ne ku kaleya ka Ananeyele.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hashishe Eleyashiba muakuidi munene wakabika ne hana babo bakuidi, bakibaka lumbu lua ku luseke lua tshibi tshia mikoko; bakalujidila, bakateka bibi bialu, bakalujidila tô ne ku tshibumba tshia Hamea ne ku tshibumba tshia Hananele.

Nehemya 3:1 ပူးပေါင်းရင်းမြစ်များ

Nehemya 12:10

Yeshuwa uvua tatuende wa Yoyakime. Yoyakime kulela Eliyashibe, Eliyashibe kulela Yoyada,

Nehemya 12:30

Batuangaji ne bena Levi kumusha mikiya ivuabu nayi. Kuambilabu kabidi bantu bonsu bua kumushabu mikiya. Pashishe kumushabu mikiya ya ku bimana bia tshimenga ne ya ku biibi.

Nehemya 12:39

Tuetu kupitshila pa mutu pa tshiibi tshia Efrayime, ne pa tshiibi tshia Yeshana, ne pa tshiibi tshia Minyinyi ya mu mayi. Tuetu bamane kupita kaleya ka Ananeyele, ne kaleya ka Meya, tuetu kupitshila ku tshiibi tshia Mikoku bua kufika ku tshiibi tshia Balami.

Nehemya 13:28

Muana umue wa Yoyada, muikulu wa mutuangaji munene Eliyashibe, uvua musele muana wa Sanebalate, muena Orone. Ke pamvua mumuipate mu Yerushalayime.

Nehemya 13:4

Kadi matuku avua kumpala, bavua basungule mutuangaji Eliyashibe, bua akuate mudimu wa kutangila bibambalu bidi bilamika ku nzubu wa Mvidi Mukulu. Bu muvua Tobiya muanabu,

Nehemya 3:20

Muntu uvua wenza mudimu tshitupa tshikuabu tshia tshimana uvua Baruke, muana wa Zabayi. Uvua wenza mudimu ne disuminyina, biangatshile muaba uvua tshimana tshialabale, too ne ku mushiku wa nzubu wa Eliyashibe, mutuangaji munene.

Nehemya 3:21

Pashishe, Meremote, muana wa Uriya, ne muikulu wa Akose, uvua wenza mudimu wa kuibakulula tshimana, biangatshile ku mushiku wa nzubu wa Eliyashibe, too ne ku ndekelu kua nzubu awu.

Nehemya 3:32

Bansenda bakuabu ne bangenda mushinga bavua benza mudimu ku tshitupa tshia ndekelu tshia tshimana, pankatshi pa tshibambalu tshia kulu tshivua mu ditumba dia tshimana, ne tshiibi tshia Mikoku.

Nehemya 6:1

Sanebalate, Tobiya, Ngesheme, muena Arabe, ne baluishi betu bakuabu, kumvuabu ne: nkadi mumane kuibaka tshimana tshia Yerushalayime. Kakuena muaba munyanguke kabidi to. Tshikondu atshi, tshivua muanji kupingaja bitupa bia biibi pa muaba wabi to.

Nehemya 7:1

Mudimu wa kuibaka tshimana tshia tshimenga mumane kujika, meme kuela biibi ku mushiku wa tshimenga. Balami ba biibi, bimbi ba misambu, ne bena Levi, kutuadija midimu yabu.

Misambu 30:1

Musambu wa mu mukanda wa misambu ya Davide, wa kuimba dituku didibu bajidila nzubu wa Mvidi Mukulu.

Misambu 48:12

Pa mukuna wa Siyone bantu basanke! Mu bimenga bia Yuda batue tshianga!

Nsumuinu 3:6

Umulamate mu bionsu biudi musue kuenza. Yeye neakuleje muudi ne bua kuenza.

Nsumuinu 3:9

Ela Maweja-Nangila tuasakidila, umulambule bia ku midimu yebe, umulambule bintu bia tshianyi.

Yirmeya 31:38

Maweja-Nangila udi wamba ne: Matuku makese aa, nebasulule bimana bia tshimenga tshianyi tshia Yerushalayime, kutuadija ku kaleya ka Ananeyele too ne ku tshiibi tshia mu Ditumba.

Danyele 9:25

Umanye bimpe, ujingulule ne: kudi bidimu muanda mutekete misangu muanda mutekete, kubangila ku diba divuabu bamanyishe mukenji wa dipingana dia bena tshimuangi, ne wa dibakulula dia Yerushalayime, too ne ku diba didi mfumu wa tshijila upatuka kuudi. Pashishe bidimu muanda mutekete misangu makumi asambombu ne ibidi nebibakulule tshimenga ne bimana biatshi. Kadi matuku awu neikale a ntatu.

Zekâya 14:10

Ditunga dijima didi dinyunguluka Yerushalayime, nedishale mpata, biangatshile ku Ngeba ku mutu wa ditunga, too ne ku Rimone, kuinshi mu ditunga. Yerushalayime neikale ku mutu kua misoku idi mimunyunguluke. Tshimenga etshi netshituadije ku tshiibi tshia Binyamine, too ne ku tshiibi tshia ku Ditumba, ku muaba uvua tshiibi tshia kale, ne ku kaleya ka Ananeyele, too ne ku bikaminu bia nwinyo bia Mukalenga.

Yowanane 5:2

Mu tshimenga atshi mudi dijiba ne bitanda bia makunji bia kuikishila bitanu. Dijiba adi didi pepi ne tshiibi tshia Mikoku, badinyike mu buena ebrewu ne: Betzata.

Dielulula 20:5

Pashishe balombodi ba bena mvita, nebambile bena mvita ne: “Pikala muntu wa munkatshi muenu muase nzubu, kayi muanji kusombamu, apingane kuende. Bualu badi mua kumushipa mu mvita, muntu mukuabu kuvua kuangata nzubu awu.