Nehemya 2:7 - MUKANDA WA MYIDI MUKULU

⁷ Pashishe meme kumulomba kabidi ne: — Mfumuanyi, umpeshe mikanda ya meme kupesha bulombodi ba buloba budi luseke ludi diba dibuelela lua musulu wa Perate, bua banyishe bua meme kupita, kuya mu ditunga dia bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nakambila mukelenge kabidi ne, Bitabusha mukelenge, bampe mikanda kudi ba-gouverneur badi dishiya dia musulu wa Pelata, bua bobo bitabushe bua meme kuhitshila mu maloba abo tô ne hanafika ku buloba bua Yuda,

Nehemya 2:7 ပူးပေါင်းရင်းမြစ်များ

Ezela 6:6

Ke muvua Daryaveshe mutumine Tatenayi, mulombodi wa buloba buvua luseke ludi diba dibuelela lua musulu wa Perate, Shetare-Boznayi, ne balombodi nabu, mukanda, ubambila ne: “Kanubuelakanyi kabidi mu bualu ebu to!

Ezela 7:21

“Meme, Artashasta, mukalenga munene, ndi ngambila balami ba bibutshilu bionsu bidi mu buloba budi luseke ludi diba dibuelela lua musulu wa Perate ne: bakumbaje bidi mutuangaji Ezra wamba, bualu yeye udi mumanye bimpe mikenji ya Mvidi Mukulu wa mu diulu.

Ezela 8:22

Tshivua musue kulomba mukalenga munene, bua atupeshe bena mvita ne babandi ba pa nyama ya tubalu, bua batalame mu njila, bua baluishi betu kabatatatshishi. Bualu tavua bamujadikile ne: Mvidi Mukulu udi ulama bonsu badi bamuitaba. Kadi bonsu badi bamubenga, udi ubafikila munda bikole.

Ezela 8:36

Pashishe kuambilabu bamienampala ba mukalenga, ne balombodi ba buloba buvua luseke ludi diba dibuelela lua musulu wa Perate, mikenji ya kudi mukalenga munene. Ke bantu abu kupesha bena Izrayele bintu biwabu nabi bua mudimu wa ku nzubu wa Mvidi Mukulu.

Nehemya 2:9

Meme kuya ne mikanda ayi kudi balombodi ba buloba buvua luseke ludi diba dibuelela lua musulu wa Perate. Meme kubapesha mikanda yakudi mukalenga wabakalenga. Mvua muye ne bamfumu ba bena mvita, ne babandi ba pa nyama ya tubalu, bavua mukalenga wa bakalenga mumpe bua bandame.

Nehemya 3:7

Bantu bavua benza mudimu ku tshitupa tshikuabu tshia tshimana bavua Melatiya, wa mu Ngibone, Yadone, wa mu musoku wa Meronote, ne bantu bakuabu ba mu Ngibone ne ba mu Mispa. Bavua babafuta kudi mulombodi wa buloba buvua luseke ludi diba dibuelela lua musulu wa Perate.