Nehemya 2:6 - MUKANDA WA MYIDI MUKULU

⁶ Mukaji wa mukalenga wa bakalenga uvua musombe pamue ne bayende. Awu kunkonka kabidi ne: — Nehemya, neushale mu luendu matuku bungi munyi? Neupingane dituku kaayi? Meme kumuambila dituku dimvua ne bua kupingana. Nanku mukalenga wa bakalenga kuitaba bua meme kuya.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mukelenge wakangebesha (mukelenge mukashi wakadi ushikama nʼandi) ne, Wewe udi ulomba luendu lua matuku bungi munyi? Neuhingane tshikondo kai? Nunku mukelenge wakitabusha bua kuntuma; nakamulaya tshikondo.

Nehemya 2:6 ပူးပေါင်းရင်းမြစ်များ

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Nehemya 13:6

Pavua malu awu menzeke, meme Nehemya tshivua mu Yerushalayime to. Mvua muye mu Babilone mu tshidimu tshia makumi asatu ne tshibidi tshia bukalenga bua mukalenga wa bakalenga Artashasta. Nanku, kunyima kua matuku, mukalenga kumanyisha bua meme

Nehemya 2:4

Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Nehemya 2:5

Pashishe, meme kuandamuna mukalenga ne: — Mfumuanyi, pawikala musue kumfuila luse, witabe bua meme kuya mu ditunga dia bena Yuda, mu tshimenga tshidibu bajike bankambua banyi, bua meme kuibakulula tshimenga atshi.

Nehemya 5:14

Biangatshile dituku divuabu bansungule mulombodi wa buloba bua bena Yuda, mmumue ne munkatshi mua bidimu dikumi ne bibidi, biangatshile ku tshidimu tshia makumi abidi too ne ku tshidimu tshia makumi asatu ne tshibidi tshia bukalenga bua Artashasta, meme ne balombodi banyi ba mu bukalenga, katuena balombe tshintu ku bitadi biwabu balambula mulombodi wa buloba to.

Yeshaya 58:12

Nenku nenuasulule miaba ivua mishale makolu. Nenuibakulule nzubu mipiamipia, pa bitaku bia nzubu binukavua bamane kulekela kale. Bantu nebanumanye bu bantu badi balongolola miaba ya mu bimana bia tshimenga idi minyanguke, bu bantu badi balandakaja misesu idi mu tshimenga.

Yeshaya 61:4

Nebasulule nzubu muimpe muaba udi dikolu. Nebibakulule nzubu, uvuabu babumbule kale. Nebalongolole bimenga bivua binyanguke mutantshi mule.

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Danyele 9:25

Umanye bimpe, ujingulule ne: kudi bidimu muanda mutekete misangu muanda mutekete, kubangila ku diba divuabu bamanyishe mukenji wa dipingana dia bena tshimuangi, ne wa dibakulula dia Yerushalayime, too ne ku diba didi mfumu wa tshijila upatuka kuudi. Pashishe bidimu muanda mutekete misangu makumi asambombu ne ibidi nebibakulule tshimenga ne bimana biatshi. Kadi matuku awu neikale a ntatu.