Nehemya 2:4 - MUKANDA WA MYIDI MUKULU

⁴ Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hashishe mukelenge wakangebesha ne, Udi ulomba tshinyi? Nunku nakatendelela Nzambi wa mu diulu.

Nehemya 2:4 ပူးပေါင်းရင်းမြစ်များ

2 Samuele 15:31

Kuambilabu Davide ne: Akitofele udi munkatshi mua bantu badi ku luseke lua Absalome, bakeba mua kuangata bukalenga. Ke Davide kuamba ne: “Maweja-Nangila ndi nkusengelela ne: ngenyi yonsu idi Akitofele ufila, ikale ya budingidingi, kayiyi mimpe to”

1 Bakalenga 3:5

Patshivua Shelomu ku Ngibone, Maweja-Nangila Mvidi Mukulu kumumuenekela butuku mu tshilota, umukonka ne: — Udi musue nkupeshe tshinyi? Lomba tshintu tshiudi musue bua meme kukupa!

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Nehemya 1:4

Meme mumane kumvua bionsu abi, ke meme kusomba bua kudila muadi. Meme kushala ne kanyinganyinga matuku a bungi, tshiyi ndia tshintu to. Meme kutendelela Mvidi Mukulu wa mu diulu,

Nehemya 1:5

kumuambila ne: — Ndi nkusengelela Maweja-Nangila Mvidi Mukulu wa mu diulu, Mvidi Mukulu munene wa kutshina! Wewe udi ukumbaja ndondu webe ne bantu badi batumikila mikenji yebe. Kabidi bantu bonsu badi bakunanga, kuena ubalekela to.

Nehemya 2:20

Meme kubandamuna ne: — Anu Mvidi Mukulu wamu diulu nkayende neatuambuluishe bua tuetu kutshimuna. Tuetu, bena mudimu bende, netuenze mudimu wa kuibakulula tshimenga. Kadi nuenu kanuena ne bualu muaba ewu to. Kanuena mua kupiana bintu mu Yerushalayime, kanuena mua kudiamu bumfumu, kanuena mua kutendamu bibidilu bia bankambua betu.

Nehemya 2:5

Pashishe, meme kuandamuna mukalenga ne: — Mfumuanyi, pawikala musue kumfuila luse, witabe bua meme kuya mu ditunga dia bena Yuda, mu tshimenga tshidibu bajike bankambua banyi, bua meme kuibakulula tshimenga atshi.

Estere 5:3

Mukalenga kumukonka ne: — Mukalenga mukaji, mmalu kaayi? Udi ujinga tshinyi? Nkadi mumane kudilongolola bua kukuambuluisha nansha ne tshia bibidi tshia bukalenga buanyi.

Estere 5:6

Didia dijika, mukalenga kukonka Estere ne: — Tshiudi musue kundomba ntshinyi? Ndi mua kukuambuluisha nansha ne tshia bibidi tshia bukalenga buanyi.

Estere 7:2

bua musangu muibidi. Didia dimane kujika, mukalenga kukonka tshiakabidi Estere ne: — Tshiudi musue kundomba tshinyi? Ndi mua kukupesha tshiudi musue, nansha tshia bibidi tshia bukalenga buanyi.

Misambu 136:26

Tuelayi Mvidi Mukulu wa mu diulu tuasakidila, bualu dinanga diende ndia kashidi!

Nsumuinu 3:6

Umulamate mu bionsu biudi musue kuenza. Yeye neakuleje muudi ne bua kuenza.

Marke 10:51

Yezu kumukonka ne: — Udi musue nkuenzele tshinyi? Mpofu kumuandamuna ne: — Mulongeshi, ngambuluishe bua ntabale tshiakabidi.

Bienzedi 23:19

Ke mulombodi kukuata nsongalume ku tshianza, kuya nende ku luseke, umuebeja ne: — Buudi musue kungambila mbunganyi?

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.