Nehemya 2:18 - MUKANDA WA MYIDI MUKULU

¹⁸ Meme kubambila muvua Mvidi Mukulu wanyi mungambuluishe, kubambila kabidi bionsu bivua mukalenga wa bakalenga mungambile. Diakamue kuelabu mbila, bamba ne: — Jukayi, tuenze mudimu! Tuibakulule tshimenga! Bantu kujuka ne dikima, bua kuenza mudimu awu muimpe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nakabambila bua tshianza tshia Nzambi wanyi tshiakadi tshimpe kundi, ne bua mei a mukelenge akangambileye. Bobo bakamba ne, Tubikai, tuasai. Nunku bakakolesha maboko abo bua mudimu eu muimpe.

Nehemya 2:18 ပူးပေါင်းရင်းမြစ်များ

2 Samuele 2:7

Mpindiewu, nuikale ne dikima, nudileje bantu ba bukitu. Mfumuenu Shawule mmumane kufua. Meme Davide ke udi bena Yuda bajidile bua nshale mukalenga wenu.”

1 Kulondolola 11:10

Davide uvua ne bena mvita ba bukitu. Bobu pamue ne bena Izrayele, kukokela Davide mukalenga wabu, muvua Maweja-Nangila muambe. Kushalabu bamulamate matuku onsu avuaye mu bukalenga.

1 Kulondolola 19:13

Nenku, kolesha muoyi, tuluangane mvita eyi ne bukitu, bua tupandishe bana betu ne bimenga bia Mvidi Mukulu wetu. Kadi Maweja-Nangila enze mudiye musue.

2 Kulondolola 32:5

Bu muvua Izkiya ne muoyi mukole, kulongolueshaye tshimana tshia ku tshimenga miaba yonsu ivuatshi tshinyanguke. Kulepeshaye tuleya. Pashishe, kuibakabu tshimana tshikuabu tshibidi pa mpenga pa tshimenga. Kukoleshabu bimana bivua muaba uvua mushiki wa buloba mu Tshimenga tshia Davide. Izkiya kuenzeja misongolu ne ngabu mivule.

Ezela 6:22

Pashishe kuenzabu ne disanka tshibilu tshia mampa kaayi mela buanga matuku muanda mutekete malondangane. Disanka adi bavua badipeta kudi Maweja-Nangila, bualu ke yeye uvua mupeshe mukalenga munene wa bena Ashure muoyi wa kalolu, wa kuenzela bena Izrayele bidibu bajinga. Ke bivua bibakolesha ku muoyi, bua batungunuka ne mudimu wa kuenzulula nzubu wa Mvidi Mukulu wa bena Izrayele.

Nehemya 2:8

Umpeshe mukanda mukuabu wa meme kupesha Ashafe, mulami wa metu a mukalenga, bua kumpeshaye mabaya makumbane a meme kuenza nawu biibi bianzubu wa balami ba nzubu wa Mvidi Mukulu, kuenza nawu kabidi bimana bia ku tshimenga, ne kuasa nawu nzubu wa meme kusomba. Mukalenga wa bakalenga kumpesha mikanda ayi, bualu Mvidi Mukulu wanyi uvua mungambuluishe.

Efeze 6:10

Nanku, kebayi bukole pa kudisanga ne Mfumu, bualu buende mbupite!

Filipe 2:13

Bualu Mvidi Mukulu udi ukuata mudimu diba dionsu munda muenu, bua nujinge tshidiye musue, nutshikumbaje kabidi.

1 Samuele 23:16

Dituku dikuabu, Yonatane, muana wa Shawule kufika muaba uvua Davide ku Orsha. Kukoleshaye Davide ku muoyi bua ikale mutekemena anu kudi Mvidi Mukulu.