Nehemya 2:14 - MUKANDA WA MYIDI MUKULU

¹⁴ Ke meme kutungunuka ne luendu luseke luvua tshiibi tshia ku Mpokolu wa mayi, ne luseke luvua dijiba dia mukalenga. Kadi nyama wa mpunde umvua mubande, kavua mupete kabidi muaba wa kupitshila to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hashishe nakaya ku tshibi tshia ku luseke lua mpokolo wa mai ne tshiowelu tshia mukelenge; kadi kakuakadi muaba wa nyama unakadi mubande ha nyima handi kuhitshilaku.

Nehemya 2:14 ပူးပေါင်းရင်းမြစ်များ

2 Bakalenga 18:17

Pavua mukalenga wa bena Ashure mu Lakishe, kutumaye mfumu mulombodi wa bena mvita, mutangidi wa bena midimu ba mu nzubu wa bukalenga, ne mulombodi wa badi bela maluvu, mu Yerushalayime kudi mukalenga Izkiya. Bavua ne musumba munene wa bena mvita. Bobu bamane kufika mu tshimenga, kuimanabu pabuipi ne tshiina tshia mayi tshivua kulu, mu njila udi muye ku budimi bua Enrojele.

2 Bakalenga 20:20

Malu makuabu a Izkiya, mbaafunde mu mukanda udibu babikila ne: Malu adi bakalenga ba bena Yuda benza. Mu mukanda amu, mbalejemu bukitu buvua nabu Izkiya, ne mushindu uvuaye mumbule tshiina tshimue tshia mayi, muenza ne mukidi bua kufikisha mayi mu Yerushalayime.

2 Kulondolola 32:30

Izkiya ke uvua mujibikile mushiku wa mpokolu wa Ngikone, bua mayi apuekele muinshi mua buloba, aye ku luseke ludi diba dibuelela, afike ne munda mua Tshimenga tshia Davide. Izkiya uvua ne diakalenga mu bionsu bivuaye wenze.

Nehemya 12:37

Bamane kufika ku tshiibi tshia Mpokolu, bavua babanda pa tshibandilu tshivua tshibafila mu Tshimenga tshia Davide, bapita kunyima kua nzubu wa mukalenga Davide, bua kufika ku tshiibi tshia Mayi, luseke ludi diba dipatukila lua tshimenga.

Nehemya 3:15

Tshiibi tshia ku Mpokolu wa mayi bavua batshilongolola kudi Shalume, muana wa Koloze. Shalume uvua mulombodi wa buloba bua Mispa. Shalume mumane kulongolola tshiibi atshi, muenze ne mutu watshi, kuelaye bitupa bibidi bia tshiibi ku mbelu. Kuasaye milonda ya kupayika nayi tshiibi. Pashishe, kuibakululaye tshimana pabuipi ne dijiba dia Shilowa, pankatshi pa lupangu lua mukalenga, ne tshibandilu tshidi tshifumina mu Tshimenga tshia Davide.

Nehemya 3:16

Pashishe, Nehemya, muana wa Azbuke, uvua mulombodi wa tshia bibidi tshimue tshia buloba bua Bete-Sure, uvua wenza mudimu too ne pabuipi ne lukita lua Davide, ne ku dijiba dia mayi divuabu bumbule, ne ku nzubu wa bena mvita bavua balame mukalenga.

Muambi 2:6

Mvua mumbule biina bia mayi bua mmone mua kumiamina mitshi itshidi mitekete mayi.