Nehemya 2:12 - MUKANDA WA MYIDI MUKULU

¹² Tshiena muambile muntu malu avua Mvidi Mukulu wanyi mungambile, bua kuenza mu tshimenga atshi. Pashishe meme kujuka butuku ne kasumbu ka bantu balume. Tshivua muye ne nyama mukuabu to, anu nyama wa mpunde umvua mbanda.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nakabika butuku, meme ne bantu bakuabo bakese bakadi nʼanyi; tshiakambila muntu mukuabo malu akateka Nzambi wanyi mu mutshima wanyi bua kuenza ku Yelushalema; kakuakadi nyama mukuabo nʼanyi anu nyama unakadi mubande ha nyima handi.

Nehemya 2:12 ပူးပေါင်းရင်းမြစ်များ

Ezela 7:27

Ezra kuamba ne: “Tuele Maweja-Nangila Mvidi Mukulu wa bankambua betu tuasakidila. Uvua mupeshe mukalenga munene dijinga dia kunemeka nzubu wa Mvidi Mukulu wa mu Yerushalayime.

Nehemya 2:11

Meme mumane kufika mu Yerushalayime, ke meme kushala muindile matuku asatu.

Nehemya 2:13

Mundankulu, meme kumuka mu tshimenga, kupatukila ku tshiibi tshia ku Tshibandabanda. Meme kuya luseke lua ku mpokolu wa mayi a Mamba-muntu, ne ku tshiibi tshia ku Dyala. Meme kukenketa bimana bia tshimenga. Meme kujadika ne: bimana bivua biupuke miaba mivule, kabidi biibi bivua biosha ne kapia.

Misambu 122:6

Jingilayi Yerushalayime bupole ne: “Bantu bakunange wewe Yerushalayime, basombe talalaa!

Misambu 51:18

Kuena musue nkulambule milambu. Nansha ya diosha kayena ikulengelela.

Nsumuinu 12:23

Muntu muena lungenyi kena uditambisha bua bidiye mumanye. Kadi batatakane badi baleja butatakane buabu patoke.

Muambi 3:7

tshikondu tshia kupanda bilamba, ne tshikondu tshia kubitela. Kudi tshikondu tshia kupuwa, ne tshikondu tshia kuakula.

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

Yirmeya 32:40

Ndi ndaya ne: tshiena musue kubabenga kabidi to. Nanku nentue nabu ndondu wa kashidi. Nenbambuluishe bua bannemeke, bua kabalamuki kabidi kundi.

Amosa 5:13

Tshikondu etshi ntshibi. Ke padi muntu mudimuke upuwa vii.

Mika 7:5

Kanuitabi bena mutumba benu, kanutekemenyi balunda benu. Nudimuke panudi nuakula, nansha ku mesu kua mukajenu, udi ununanga.

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

Matayi 2:14

Nanku Yozefe kujuka, kuangata muana ne mamuende, kuya nabu butuku mu Ejipitu.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!

Yoshua 10:9

Yoshuwa ne bena mvita bavuaye nabu bamane kuenda butuku bujima biangatshile ku Ngilgale, kubundulabu bena Amore tshimpitshimpi, bena Amore kabayi banji kudilongolola.

Didimanyisha 17:17

Bualu Mvidi Mukulu mmubapeshe meji a kukumbaja bidiye musue. Nebumvuangane, bapeshe nyama bukalenga buabu, too ne pakumbana miaku ivua Mvidi Mukulu muambe.

Balombodi 6:27

Ngideyone kusungula bena mudimu bende dikumi, bua kuenzabu bionsu bivua Maweja-Nangila muambe. Kadi kuenzaye bionsu abi amu butuku, bualu uvua utshina kubienza mu munya, bualu bua bena diku diabu, ne bua bena musoku wabu.

Balombodi 9:32

Nanku butuku ebu, wewe ne bena mvita bebe, nuye kusokoma mu mpata.