Nehemya 2:10 - MUKANDA WA MYIDI MUKULU

¹⁰ Pashishe, Sanebalate, muena Orone, ne Tobiya, muena Amone, uvua umuambuluisha, kumvuabu lumu lua difika dianyi. Nanku kufikabu munda bikole, bua pumvuabu ne muntu mmufike bua kuambuluisha bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakabunvua Sanebalata, Muena Holona, ne Tobiya, Muena Amona, muena mudimu wandi, ne, Muntu wakalua bua kukuatshisheye Bena Isalele, mitshima yabo yakanyingalala.

Nehemya 2:10 ပူးပေါင်းရင်းမြစ်များ

Nehemya 13:1

Mu tshikondu atshi, bavua babadila bantu bonsu mukanda wa mikenji ya Moshe. Dituku dikuabu kubalabu muaba uvuabu bafunde ne: Bena Amone, kabidi ne bena Mowabe, kabena mua kubuela mu tshisumbu tshia bantu badi batendelela Mvidi Mukulu to.

Nehemya 13:28

Muana umue wa Yoyada, muikulu wa mutuangaji munene Eliyashibe, uvua musele muana wa Sanebalate, muena Orone. Ke pamvua mumuipate mu Yerushalayime.

Nehemya 13:4

Kadi matuku avua kumpala, bavua basungule mutuangaji Eliyashibe, bua akuate mudimu wa kutangila bibambalu bidi bilamika ku nzubu wa Mvidi Mukulu. Bu muvua Tobiya muanabu,

Nehemya 2:19

Kadi, Sanebalate, muena Orone, Tobiya, muena Amone, uvua umuambuluisha, ne Ngesheme, muena Arabe, kutusekabu. Kutusendekabu, bakonka ne: — Tshinudi nuenza ntshinyi? Nudi basue kutombokela mukalenga wa bakalenga anyi?

Nehemya 4:7

Nanku, meme kulongolola miaba ya kusokoka bantu panyima pa tshimana. Meme kusokokamu bena mvita, balondangane ku biota biabu. Kabidi bavuane bia mvita: miele, mafuma, ne mata a mikete.

Nehemya 6:1

Sanebalate, Tobiya, Ngesheme, muena Arabe, ne baluishi betu bakuabu, kumvuabu ne: nkadi mumane kuibaka tshimana tshia Yerushalayime. Kakuena muaba munyanguke kabidi to. Tshikondu atshi, tshivua muanji kupingaja bitupa bia biibi pa muaba wabi to.

Nehemya 6:16

Pashishe, baluishi betu bavua basombe mu bisamba bivua mutumba netu, kumvua bualu abu, kupetabu bowa ne bundu. Kujadikabu ne: Mvidi Mukulu uvua mutuambuluishe mu mudimu ewu.

Estere 10:3

Nenku Mordekayi muena Yuda, kushala muntu wa butumbi mu bukalenga, ulonda Ahashaveroshe ku bumfumu. Bana babu bonsu bena Yuda bavua bamunange ne bamunemeke bikole. Uvua ubenzela mudimu bua diakalenga diabu, ubakuila bua kubapesha ditalala.

Misambu 112:10

Padi muntu mubi umona bualu ebu, udi unyingalala, usumakaja menu, ubutuka. Dijinga dia bantu babi nedijimine.

Nsumuinu 27:4

Lonji ndubi. Tshiji tshidi bu mayi a muenji mukole. Kadi udi mua kukolela lubaabu nnganyi?

Nsumuinu 30:22

ke mupika udi ushala mukalenga wa ditunga, mutshimbakane udi udia ondoloka,

Muambi 10:7

Ndi mmona bapika babanda pa tubalu, kadi bamfumu benda ku makasa bu bapika.

Yeshaya 15:5

Ndi ndila, nkeba badi mua kuambuluisha bena Mowabe. Bena Mowabe badibu bipata, badi banyema too ne ku Soware, ne ku Eglate-Shelishiya. Badi benda babanda ku Lukite. Bakuabu badi banyema ku njila wa ku Oronayime, bela mbila ya dikenga.

Yirmeya 41:10

Ishemayele kuela bantu bonsu bavua bashala mu Mispa, mu lukanu, kabidi ne bana ba bakaji ba mukalenga, ne bonsu ba-vua Nebuzaradane, mfumu wa bena mvita mupeshe Ngedaliya. Pashishe, Ishemayele kuya ne bena lukanu bonsu aba bua kusomba kudi bena Amone.

Yirmeya 48:34

Bena Eshebone badi balomba diambuluisha. Bantu badi bumvua mbila yabu too ne ku Elale. Badi bumvua diyi diabu too ne ku Yakase, kabidi biangatshile ku Soware too ne ku Oronayime ne ku Eglate-Selishiya. Bualu nansha mpokolu wa ku Nimrime ukadi muume.

Yirmeya 48:5

Bantu badi bashale ne muoyi nebabande ku mukuna wa Lukite, badila. Badi bapueka ku tshimenga tshia Oronayime, nebele mbila ya dikenga ne:

Bienzedi 4:2

Bavua bafike munda bikole, bualu bapostolu babidi aba bavua balongesha bantu, babamanyisha ne: bantu badi mua kubiika ku lufu, bualu bavua babajadikile ne: Yezu mmubiike ku bafue.

Bienzedi 5:24

Mulombodi wa balami ba nzubu wa Mvidi Mukulu, ne bamfumu ba batuangaji bumvua nanku, kulubakanabu, kabayi mua kumvua muvua bapostolu bajimine.