Nehemya 13:1 - MUKANDA WA MYIDI MUKULU

¹ Mu tshikondu atshi, bavua babadila bantu bonsu mukanda wa mikenji ya Moshe. Dituku dikuabu kubalabu muaba uvuabu bafunde ne: Bena Amone, kabidi ne bena Mowabe, kabena mua kubuela mu tshisumbu tshia bantu badi batendelela Mvidi Mukulu to.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu dituku adi bakabala mu mukanda wa Mose mu matshu a bantu. Bakasangana bualu ebu bufunda ne, Muena Amona ne Muena Moaba kababuedi mu disangisha dia bantu ba Nzambi tshiendelele,

Nehemya 13:1 ပူးပေါင်းရင်းမြစ်များ

2 Bakalenga 23:2

Kuyabu bonsu mu nzubu wa Maweja-Nangila. Bavua baye ne bantu bonsu ba mu Yerushalayime ne ba mu ditunga dia Yuda: batuangaji, bambi, ne bantu bakuabu bonsu. Mukalenga Yoshiya kubabadila bonsu mukanda wa ndondu uvuabu bangula mu nzubu wa Mvidi Mukulu.

Nehemya 13:23

Mu tshikondu atshi kabidi, mvua mumone muvua bena Yuda basela bakaji ba bena Asdode, bena Amone nansha bena Mowabe.

Nehemya 2:10

Pashishe, Sanebalate, muena Orone, ne Tobiya, muena Amone, uvua umuambuluisha, kumvuabu lumu lua difika dianyi. Nanku kufikabu munda bikole, bua pumvuabu ne muntu mmufike bua kuambuluisha bena Izrayele.

Nehemya 2:19

Kadi, Sanebalate, muena Orone, Tobiya, muena Amone, uvua umuambuluisha, ne Ngesheme, muena Arabe, kutusekabu. Kutusendekabu, bakonka ne: — Tshinudi nuenza ntshinyi? Nudi basue kutombokela mukalenga wa bakalenga anyi?

Nehemya 4:3

Tuetu kutendelela Mvidi Mukulu wetu, kuteka batentekedi butuku ne munya, bua kualamina baluishi abu.

Nehemya 9:3

Pashishe, kuimanabu kulu meba asatu, bateleja dibala dia mukanda wa mikenji ya Maweja-Nangila Mvidi Mukulu wabu. Pashishe kuinyikabu mpala panshi meba asatu makuabu kumpala kua Maweja-Nangila Mvidi Mukulu, bua kulomba luse.

Yeshaya 34:16

Paudi ukeba mu mukanda wa Maweja-Nangila, neubalemu ne: Nansha umue wa ku nyama eyi kena ushadila kunyima. Maweja-Nangila udi utuma diyi bua yonsu ikalepu. Mueyelu wende ke udi uyisangisha pamue.

Yirmeya 48:1

Maweja-Nangila wabukole buonsu, Mvidi Mukulu wa Izrayele udi umanyisha mukenji udi utangila bena Mowabe, wamba ne: Bena Nebo nebakenge! Tshimenga tshiabu netshinyanguke! Bena Kiriyatayime nebafue bundu. Nebakuate tshimenga tshiabu. Bena Mowabe nebafue bundu, kabakuikala ne bukole kabidi!

Amosa 1:13

Teleja tshidi Maweja-Nangila wamba ne: “Ndi ndumbuluisha bena Amone, mbapisha bua malu mabi mavule, kadi nangananga, bualu mu mvita ivuabu baluangana mu ditunga dia Ngilaade, bua kutentamuna mikalu ya buloba buabu, bakapanda mafu a bakaji bavua nawu. Nanku tshiena mua kubafuila luse nansha! Nenkumbaje bindi mujadike ne:

Dibadika 22:5

Ke mukalenga Balake kutuma bantu kudi Balaame, muana wa Beyore, uvua musombe ku Petore pabuipi ne musulu wa Perate, mu ditunga dia bena Amavi. Uvua umulomba ne: “Mudi bantu ba bungi bafike munemu, bafume ku Ejipitu. Badi batangalaka pa buloba bujima, base mitanda yabu pabuipi nanyi.

Luke 10:26

Yezu kumuela kabidi lukonku ne: — Mu mikenji yetu mbafunde tshinyi? Tshiudi ubalamu ntshinyi?

Bienzedi 13:15

Bantu bamane kubala mukanda wa Mikenji ne wa Bambi, bamfumu ba nzubu wa kutendelela kubalomba ne: — Bana betu, panuikala ne imue miaku ya kukolesha nayi bantu ku muoyi, nudi mua kuakula mpindiewu.

Bienzedi 15:21

Bualu kuonsu kuaka, bantu badi balongesha mikenji ya Moshe mu tshimenga tshionsu; kabidi badi babala mikenji eyi mu nzubu ya kutendelela matuku onsu a Dikisha.